Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Dhabuna PANGERAN ka Mosa,

² "Kabala ka reng-oreng Isra’il Tang oca’ reya: Sengko’ reya PANGERAN, Allahna ba’na.

³ Ba’na ja’ nero tengkana oreng e Messer se tao ekennengnge ba’na, otabana oreng e Kana’an, nagara se sateya reya eentarana ba’na, ban ba’na bi’ Sengko’ eaterragiya ka jadhiya sateya reya.

⁴ Toro’ Tang kom-hokom ban lakone sakabbinna Tang parenta. Sengko’ reya PANGERAN, Allahna ba’na.

⁵ Toro’ sakabbinna atoran ban kom-hokom se bi’ Sengko’ la ebagi ka ba’na. Mon bi’ ba’na jareya elakone, odhi’na ba’na bakal salamedda. Sengko’ reya PANGERAN."

⁶ PANGERAN apareng atoran-atoran reya. Lalake’ ban babine’ se gi’ kaetong bala semma’ ta’ olle apolong tedhung.

⁷ Ba’na ta’ olle tedhung apolong ban ebuna dibi’, sabab jareya ha’na eppa’na.

⁸ Ba’na ta’ olle ya-nyeya eppa’na kalaban tedhung apolong ban sala settong dhari binena eppa’na se laen.

⁹ Ta’ olle tedhung apolong ban taretan bine’na otaba taretan kaballun bine’na, se eparaja sabengko ban ba’na otaba se eparaja e kennengngan laen.

¹⁰ Ja’ tedhung apolong ban kompoyya; jareya matodhusan ka ba’na dibi’.

¹¹ Ba’na ta’ olle apolong tedhung ban taretan bine’na se tonggal eppa’ otaba se tonggal ebu, sabab jareya taretanna ba’na keya.

¹² Ba’na ta’ olle apolong tedhung ban majadhi’ bine’na se sataretan ban eppa’na otaba ban ebuna.

¹³ (18:12)

¹⁴ Ba’na ta’ olle tedhung apolong ban binena taretanna eppa’na, sabab jareya binena majadhi’na ba’na.

¹⁵ Ba’na ta’ olle tedhung apolong ban mantona,

¹⁶ otaba ban binena taretanna.

¹⁷ Ba’na ta’ olle apolong tedhung ban ana’na otaba ban kompoyya dhari ana’ lake’na otaba dhari ana’ bine’na. Olle daddi jareya gi’ sabala’an ban ba’na, ban jareya tamaso’ lalakon se cemmer.

¹⁸ Ta’ olle abine taretanna binena, mon binena ba’na jareya gi’ odhi’.

¹⁹ Ja’ apolong tedhung ban babine’ se gi’ teppa’na dhateng kotorra, sabab babine’ jareya najjis.

²⁰ Ja’ apolong tedhung ban binena oreng; sabab jareya andaddiyagi ba’na najjis.

²¹ Ja’ magi sala settong dhari ana’na ba’na kaangguy ekagabay kurban ka Molokh, sabab jareya tamaso’ lalakon se ya-nyeya asmana Allah, PANGERANna ba’na.

²² Oreng lalake’ ta’ olle apolong tedhung ban lalake’; jareya lalakon se ekabaji’i bi’ Allah.

²³ Lalake’ otaba babine’ ta’ olle apolong tedhung ban keban; jareya lalakon se manajjis ba’na.

²⁴ Ja’ manajjis aba’ ban kon-lalakon jareya, sabab kalaban cara se kantha jareya sa-bangsa se ngennengnge Kana’an sabellunna ba’na manajjis aba’na. Lantaran jareya bangsa jareya eojuk bi’ Sengko’ sopaja ba’na ngennenga ngennengnge nagara jareya.

²⁵ Bangsa jareya ngalakone sabarang se majitjit, sampe’ tanana daddi najjis. Daddi bi’ Sengko’ eokom, ta’ eedine ngennengnge nagara jareya. Tape ba’na maske baramma’a ta’ olle ngalakone sabarang se kantha jareya. Ba’na kabbi, oreng Isra’il ban oreng manca se akompol ban oreng Isra’il, kodu atoro’ ka atoran ban parenta se dhari Sengko’,

²⁶ (18:25)

²⁷ (18:25)

²⁸ sopaja ba’na bi’ Sengko’ ta’ eokom ban ta’ eojuk dhari tana jareya akantha reng-oreng se ta’ kennal ka Sengko’, PANGERAN, se ngennengnge nagara jareya sabellunna ba’na.

²⁹ Ba’na tao ja’ pa’-sapa’a se ngalakone sabarang lalakon se majitjit jareya bakal ta’ eanggebba Tang ommat pole.

³⁰ PANGERAN laju adhabu, "Toro’ sakabbinna parenta dhari Sengko’ jareya, ja’ nero tengkana reng-oreng se ngennengnge tana Kana’an sabellunna ba’na, ban ba’na ja’ manajjis aba’ ban kon-lalakon jareya. Sengko’ reya PANGERAN Allahna ba’na."

Imamat

Video Imamat 18

Ikuti Kami:

KONTAK | PARTISIPASI | DONASI