Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Nit iken og neneplug lahu rohon niren holtuk latukukon fuki roho kim haruk lamuhuk.
2 Wene malaikaren hiyag nisaruk latfahon ino weregman eneg aben sokowa feseruk lit holtuk elehon arimano Allahn wirim toho ayeg war isibag.
3 Ari roho welatfagma fanowap eneptuk ane suwon ino niren apmayap turuk halug nit nangginoho wilip amuhuk? Nonowe Yesusen fano ane ino tam hiyag isaruk latfahon Otsiyen oho holfareg iren nit nunubam fag toho hiyag nisa waharusama niren tem toho perukuk.
4 Allahn it ler eneptukmu nit hiyag nisaruk lit weregma Hime fanowon inowen enehangge turukon men fanowap eneptuk ane men aben tuk fug teg ane eke hag eke hag turukon men Allahn tukag pibag ane hikit toho it unubam wal taneg inineyap eneptuk latfag.
5 Pohol men kinang men fobik keron aruhu uruk laheyon ari Allahn malaikat ininggikmu emberuk eleg.
6 Ap misihen haharoho emberuk lit fag toho nit hiyag nisaruk, "Haren ap fahet wenggel haruk lahenon nungge wereg ulug wenggel haruk lahen? Hat ap umalik foroho lahenon nungge ubam wereg ulug foroho lahen?
7 We il misig fahet malaikat palimu weregma At tot apmaya ferikinteg umbagpag tukag ulug Unggulmu fano angge hobog tebelug hi ririkin.
8 Mun angge man angge At uyug alma emberikin." Allahn mun angge man angge At uyug alma imbibahon eneg wereg. Uyug alma imbibag fuhon te eke wereg eleg. Allahn mun angge man angge At uyug alma imbibag ane niren ketiya uwan yet haruk lahe fug.
9 Uwan yet haruk lahe fug angge famen At ino il misig fahet malaikat palimu weregma At tot apmaya fibahon Yesus ino niren yet haruk lahe. At pinggi ware fisibagma umbagpag tukag ulug Aliliyangge Unggulmu hobog tibibareg hi ribag. Allahn ap Indi enesug lit ap obog toho fahet At war atmisi pibagma pinggi ware fisibag.
10 Allah mun angge man angge wal tibahon inowen alemet ondomiyet seneg lit At inowen ap anggolo palimu welamag ulug fanoma hondog enebuhuk pibag. Yesusen ke fanowon hiyag isawag peruk lit alem angginon Ubam amag pibareg Allahn mondabi fanowap tibag.
11 At fanowap eneptukon ino oho it fano atukon arimano oho alem misig famen inam atfag. Ari fahet Aren Nori ulug wol eneptuk ane Inggali eleg.
12 "Anden Hat hunuk fag toho An nori hiyag isaruk laruhukteg Humalikisi sehelimu wereg lit Hat wel Haptuk laruhuk," ibag.
13 Nin eke ele uruk lit, "At ino fam tem toho wenggel haruk laruhuk," ibareg nin eke, "An oho Numalikisi Allahn og Nitisiyon men tuma welahi," ibag.
14 At umalikisi wereg urukon arimano ap kinangmon enehaluwe werehen At ino oho ap kinangmon hag atfareg it wereg hag toho atfag. Ap kinangmon hag atfareg Iblis inowen war atuk ane fahet ngi roho weregma At war atfag ane ino famen waroho mondabi hondo ribibag.
15 It arimano war atuk ane apma wereg lit likiya hupmu enekol toho ininggik hele warehon hag toho welatfag angge famen Aren ari roho tibag ane ariyen ininggik lol enepfag.
16 Ari roho tibag ane ari malaikat Indi enesug eleg, Abraham umalikisi Aren indi enesug lit wereg.
17 Alem ari fahet At ino ap kinangmon amag pibagma Ori men ambi roho wereg lit iren turuk ane Aren oho turuk latfag. At ino imam suwon atfareg Indi wirik toho wereg lit ap Indi enesug lamag ulug Allahn unduhuk fibag. Unduhuk fibareg ap obog tohowen siyag ane turukon elehap turuk lit Allah men mangno amuhup pibag.
18 At ino watfag ane ari fam wal hibagma Aren ap wal isarukon arimano ler enebuk hag teg lit wereg.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA