Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ 'O Yesus 'ifoloi wodaduie de 'o mala'ekati 'iodumu. Ge'enau so 'o do-dotoko ma ngale ma Kristus gee po'ise-'isenokau, salingou posigou-gounguku paga-gao. La 'uwa sigado ngone pamoteke 'o do-dotoko 'isowo-sowono.

² 'O besesongo 'iodumu ma Jo'oungu ma Dutuno gee ma sira 'o mala'ekati 'isitota-totara ge'ena 'iwaitokau 'ato 'itiai, de nago'ona koyamotekuwa bolo koyosingounuwa, 'ona yakihukumu moteke manga di-diai.

³ So ma raiokau ngone mita kopa'akunuwa pomasiresene 'o hukumani ge'ena, nako kopakalesanguwa 'o laha ma amoko ma Jo'oungu ma Dutuno ge'ena, gee 'isira 'o Yesus wosihabari. De 'o nyawa gee ma di-disiraka yo'ise-'isene yosidumutokau ngoneno 'ato ge'ena 'itiai.

⁴ 'Asa de ma Jo'oungu ma Dutu mita wosikuata 'o nyawa go'ona manga sakisii, ma ngekomo yodiai 'o no-nako 'ihera-herangi de 'okia sonaa kobiasawa so 'o nyawa kayohera-herangi 'ato ma Jo'oungu ma Dutu 'awi kuasa 'iamoko ma sala. De ma ngekomo 'ona ma Jo'oungu ma Dutu wosibula-bula 'o co-catu 'o Ngomasa 'Itebi-tebinino moteke to 'ena ma mau.

⁵ 'O sagala mala'ekati koimadamakewa 'o kuasa ma Jo'oungu ma Dutuno ma ngale yapareta 'o Dunia ma Sungioka, ge'ena la 'o dunia gee ma 'orasi ne'ena ngone posidemo-demo.

⁶ Naga 'o Buku 'Itebi-tebini ma bula moioka 'isilefoku konee, "Jo'oungu ma Dutu, 'o nyawa ge'ena 'okia? so ngona nosi-singina? 'O nyawa ge'ena ka 'o nyawa duga, ma nakalesangi!

⁷ Ngaro 'o 'orasi moi ngona nodiai 'o nyawa ma kuasa ma eta 'idaduuku positero 'o mala'ekati ma kuasa. Ma ngona nodiai 'o nyawa de ma kumatioka de mita de ma horomatioka,

⁸ de nodiai 'o nyawa yapareta 'o sagala moi-moioka." Aa, nako 'ingose 'ato ma Jo'oungu ma Dutu wodiai 'o nyawa yapareta naga "'o sagala moi-moioka", ge'ena ma ngale 'o sagala moi-moi ge'ena 'o nyawa ma kuasa ma sigoronaka. Ngaro koge'ena ma ma 'orasi ne'ena ngone kopamakewasi 'o nyawa yakuasa naga 'o sagala moi-moioka.

⁹ Ma ngone pamakekau 'o Yesus de wi kuasaka! 'Una "'o 'orasi moi ma Jo'oungu ma Dutu widiai ma eta wodaduuku de 'o mala'ekati", la de ma Jo'oungu ma Dutu 'awi singina ma sure, 'una 'idadi wosongene ma ngale wonasilaha 'o nyawa 'iodumu. Ngone powimake 'una ma 'orasi wisitedene de wikula 'o kumati de 'o horomati sababu 'una wosangisarakau sigado wosongene.

¹⁰ Ma Jo'oungu ma Dutuou wosidadi-dadi 'o sagala moi-moi ma ngale to 'una ma sirete 'awi kumati, so yadaene 'una widiai 'o Yesus wodadi to ngone nanga Ro-riwo 'itoto-totomo ma ngekomo wosangisara. De ge'enau ma Jo'oungu ma Dutu 'idadi waki'asa 'o nyawa manga gudai ma ngale yakisitedene de 'o Yesus. Sababu 'unau ge'ena to 'ona manga laha ma ngekomo wodi-diai.

¹¹ 'O Yesus wakisitebini 'o nyawa manga sowonoka, de 'una gee wositebi-tebini de gee yakisitebi-tebini yoodumu manga Dea ka moi. Ge'enau so 'o Yesus kowimaekuwa wongose 'ato 'ona ge'ena 'awi 'esa moi.

¹² 'O Yesus wongose ma Jo'oungu ma Dutuka, "Ngoi 'asa tosikawasa 'o nyawa-nyawaka ma ngale ngona. Ngoi 'asa tonisiare-arene naga to 'ona manga lo-lomuoka."

¹³ 'O Yesus wongose mita, "Ngoi tomasinganono ma Jo'oungu ma Dutuka." De wongose mita, "Nedau ngoi, de 'o ngowa-ngowaka gee ma Jo'oungu Dutu wokulakau ngoino."

¹⁴ Sababu 'o nyawa-nyawa gee wakisironga 'o ngowaka ge'ena la 'o nyawa gee kaidadi yosongene, so 'o Yesus ma sirete womadiai 'isoka 'ona de wo'ahu 'isoka 'o nyawa. 'Una wodiai koge'ena, la ma ngekomo wosongene, 'una wodiai 'o Tokata ma Koana gee 'o songene yaparetano koimado-do'oawau.

¹⁵ Ma ngekomo ge'enau 'una wosipidili 'o nyawa-nyawa gee manga 'ahu ma sigoronaka 'isoka 'o yongosi sababu yodomodongo yosongene.

¹⁶ 'Iwaitokau 'ato ko 'o mala'ekatuwa wariwo, ma 'ena 'o Abraham 'awi ngowaka de wi dangonuku.

¹⁷ Ne'ena ma ngale 'una salingou wodadi kaimatero de 'o nyawa, ma ngale 'una mita womao 'o sangisara de 'okia sonaa 'i'ini-'inioka. La 'una wodadi 'o 'Imam ma Amoko gee wosingou-ngounu ma Jo'oungu ma Dutuka de wi dora 'iamoko la ma Jo'oungu ma Dutu kowosi-singinawau 'o nyawa ma so-sowono.

¹⁸ De sababu 'una ma sirete witailokau de wosangisarakau, so 'una 'idadi wakiriwo 'o nyawa gee yamake 'o bo-baja.

Ibrani

Video Ibrani 2

Ikuti Kami:

KONTAK | PARTISIPASI | DONASI