Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Halani ai, maningon lambin poltikni do panjolomta bani hata na dob binogeita, ase ulang mayub hita.
2 Hata na hinatahon ni malekat totap do, anjaha sagala panlanggaron ampa pangengkaron dapot pambalason na pintor.
3 Tumaram ma boi maporus hita anggo lansei hita bani haluahon na sain banggal? Tuhan in sandiri do mangkatahon haluahon ai lobei, anjaha na mambogei ai manaksihon banta hasintonganni ai,
4 anjaha isaksihon Naibata ope ai marhitei tanda, halongangan, bagei-bagei ni hagogohon ampa Tonduy Na Pansing, na binagihon-Ni domu hubani rosuh ni uhur-Ni.
5 Ai seng malekat ibahen Naibata panrajai bani dunia na sihol roh ai, ai ma dunia na sinahapkonta on.
6 Tapi adong do isaksihon ibagas Surat in, “Aha do jolma in, ase idingat Ham ia, barang anak ni jolma in, ase itatap Ham ia?”
7 Ipatoruh Ham do ia tongkin toruhan marimbang malekat, hasangapon ampa hamuliaon do isortalihon Ham bani.
8 Haganup do ipatunduk Ham hutoruh ni nahei-Ni. Marhitei na pinatundukni ai haganup hu Bani, seng adong na tading ibahen na so unduk hu Bani, tapi anggo sonari lang ididah hita ope, na dob tunduk hu Bani haganup.
9 Tapi Ia, na pinatoruh ai tongkin i toruh ni malekat, ai ma Jesus, ididah hita do marsortali hasangapon ampa hamuliaon, halani na dob itaron hamatean, ase marhitei idop ni uhur ni Naibata ihopkop haganup marhitei hamatean na tinaron-Ni ai.
10 Ai patut do, Ia parmulaan ampa na mandobkon haganup, ibagas na sihol boanon-Ni buei anak hu hasangapon, pajongjongon-Ni gokan dear marhitei sitaronon pambobai in, na mamboan sidea hu haluahon.
11 Ai Ia, na papansingkon ai ampa na pinapansing-Ni ai, sada do harohan ni haganup. Halani ai, seng maila Ia manggoran sidea sanina-Ni,
12 ai nini do, “Ambilankononku do goran-Mu hubani saninangku; i tongah-tongah ni kuria in do dodingkononku Ham.”
13 Dob ai use, “Ia do bahenon-Ku hatengeran ni uhur-Hu.” Ambah ni ai, “Ijon do Ahu ampa dakdanak in, na binere ni Naibata hu Bangku”
14 Ase, songon dakdanak parrupei bani daging ampa daroh, sonai do homa Ia parrupei ijai, ase marhitei hamatean ai iparseda do sibolis in, na markuasa bani hamatean,
15 ase ipaluah haganup na pinarjabolon ni biar bani hamatean sadokah manggoluh.
16 Ai sedo malekat na sinarihon-Ni, tapi ginompar ni si Abraham do.
17 Halani ai maningon gabe dos do Ia pakon sanina-Ni pasal haganup, ase gabe paridop ni uhur Ia ampa Sintua ni Malim hatengeran ni uhur i lobei ni Naibata, laho pasaloseihon dousa ni bangsa in.
18 Halani na dob marsitaronon Ia anjaha tarlajou, margogoh do Ia mangurupi sagala na tarlajou.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA