Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Manangka intua, mustidon totu-totu'u ing kita kumadai kon totunduí mita inta ain dinongog naton, simbaí diaí mobaḷui im pirisaya naton.
2 Sing koyow mita inta pinoyaput im malaekat mita kom mogoguyang naton totu'bií in no'uliímai. Intau mita inta diaí dinumudui bo inta doií nopoaíid ing koyow tatua, moko'uliíbií kon hukuman podudui in oaíid monia.
3 Apapa doman oyuíon ing kasaḷamatan inta lebe motoyang nongkon koyow mita tatua! Aka tongaí pomayak makow naton ing kasaḷamatan tatua, daí tantuí diaíbií kotaliban hukuman tatua ing kita. Sing ki Tuhanbií tontanií im muna-munamai noguman kong kasaḷamatan tatua. Bo intau inta muna-munamai nokodongog kon Habar tatua noguman doman ko'i naton kon totu'ubií mita in habar tatua.
4 Kolikud intua, iniropotan doman i Allah im bayongan inta ain ino'uman i intau mita tatua takin nopo'ontong in noyagi-yagimai aid inta mokoherang totok kon intau bo soaáḷ mita inta diaí im poliuan bo poḷat nosila-silai makow kon onu inta pinonotabi in Roho i Allah podudui in ibog-Nya tontanií.
5 Malaekat mita diaíbií inogoian i Allah ing kawasa momarentah kon dunia mobagu singgai mo'iduduimai, dunia inta yogot o'umanon naton tana'a.
6 Sedang bo kom Buk Mosuci oyuíon pinais nana'a; "Oh Tuhan, onubií intau tua, sahingga in umuran-Mu toropon in sia? Intau in tongaíbií doman komangoi intau biasa, ta'e inumuran-Mu tarukira'an makow in sia!
7 Kom bonu in wakutu notoyong binalií-Mu in sia topií nolin ompaí nongkon malaekat. Ta'e no'iduduimai kon tua inogoian-Mudon in tampat inta momulia bo totok im moterhormat in sia,
8 bo binalií-Mu domandon mongongawasa in sia kom bayongan yagi-yagi." Yo aka pinogumandon kon intau binaliídon i Allah "mongongawasa kom bayongan yagi-yagi", daí mangalenya kon tua, diaí bidon tobatuímai in diaí kinawasa'an in intau. Umpakah natua, tana'a diaípabií inontong naton intau mongawasa kom bayongan yagi-yagi.
9 Ta'e inontongdon naton ki Yesus nongawasa! Sia binaliídon topií nolin ompaí nongkon malaekat mita kowakutu inta diaí no'onggot, simbaí podoyon kong kopopia ing gina i Allah Sia mota'au matoi sing kopontingan im bayongan intau. Inontong naton in tana'a, kon Sia ain inogoian in ḷolituían inta momulia bo inta noterhormat lantaran Sia ain notarima kon roriga dapot im minatoi.
10 Memang patus bidon ki Allah inta nomia kom bayongan yagi-yagi mopobayak kon onu in imakusud-Nya tontanií. Binalií-Nya ing ki Yesus mopoposaḷamat inta nosempurna pinodoyon kon daḷan inta totok im moyoyiga. Tua in daya i Allah simbaí mobayong in intau mota'au oiniíon-Nya mayak in tampat inta mopia totok takin i Yesus. Sin Siabií in nobukaí kon daḷan ko'i monia simbaí mosia mota'au posaḷamaton.
11 Ki Yesus in nondarit kom bayongan dosa intau; Siabií tontanií in nondarit. Mosia inta dinaritandon tua nogaḷumdon kon Amaí inta totobatuí. Tuamai ki Yesus diaí mo'oyak mongaku ko'i monia saḷaku ki utat-Nya mita.
12 Ki Yesus noguman ko'i Allah, "Popota'au-Kubií ko'i utat-Ku mita in tangoi-Mu. Dayowon-Ku in Ikow kom poyodungkuḷan monia."
13 Ki Yesus noguman doman nana'a: "Ki Allah nobalií oaíndoḷan im pirisaya-Ku." Bo Sia noguman doman nana'a, "Na'adon Aku'oi noyotakin in adií mita inta ain inogoi i Allah ko'i-Nakoí."
14 Lantaran intau mita inta sinangoi-Nya adií tua, tongaíbií intau ilo-ilow inta mato-matoipabií, daí ki Yesus sinumongkaidon ko'i monia bo nobiag naonda bo ka'ada'an intau. Tua pinomia-Nya, simbaí kinopatoian-Nya tua mokorimumud kon Ibilis inta nongawasa kom popatoi.
15 Tua in cara-Nya moposaḷamat kon intau mita inta umuran kinawasa'an in ondok kon soaáḷ popatoi.
16 Daí nonyata bidon kon de'emanbií malaekat mita in sinuḷungan-Nya ta'e katurunanbií i Abraham.
17 Mangalenya kon na'a kom bayongan yagi-yagi Sia musti mobalií naonda bo ki utat-Nya mita, sahingga nota'au Sia nobalií Imang Moḷoben inta motoindudui ko'i Allah bo kototabi. Tua im pomia'an-Nya simbaí ampungandon dosa in intau.
18 Bo lantaran Sia tontanií nokorasadon kon roriga bo soba'an, daí mota'audon in Sia motuḷung kon intau mita inta kinoaíntugan in soba'an.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA