Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Wali kita to mangaya nato'o i mPue Allah rawangu muni yako ri kapate sindara-ndara pei i Kerisitu. Wali ane ewa see, porayang kojo samparia anu to ndate saruga, tampa to nakaroo i ngKerisitu. Ia ndate matunda ri awe i mPue Allah ri sambali tondo ngkana.
2 Wali ne'e sangkani mampobuuka anu to re'e ri lino si'i. Apa komi room namate sindara-ndara pei i Kerisitu, see naka anu to lino si'i tamore batuanginya resi komi. To tao-tao pobuuka kojo anu to ndate saruga etu. Apa komi rawangu muni seja pei mangarata katuwu to bou sindara-ndara pei i Kerisitu pasi komi seja samba'a pei i Pue Allah sewaju ewa Ia. Wali ewa i Kerisitu tawa rakita ri tempo si'i, ewa see seja katuwu ngkomi to bou tawa seja rakita.
3 (3:2)
4 Wali katuwu ngkita to monso, etu semo i Kerisitu. Pasi tempo Ia ma'i wo'u, tempo etu kayawaNya darapapokita. Pasi tempo etu kayawa ngkatuwu ngkita to bou darapapokita seja apa kita dasiwaka pei Ia.
5 Wali posaka yau pamporani ngkoro ngkomi to maja’a naka ne'e damangika lengko to taa singkonong pei i Pue Allah. Lengko etu semo ewamo mangika lengko to maja'a resi tau to si'a rongomu, mampobuuka anu to balamas bara mampolengkoka lengko to makarika, pamporani ndaya to taa rata'amaka, pamporani ndaya to maja'a, pasi lengko to bamporomung. Bamporomung etu sewaju pei mampue tau-tau.
6 Wali apa saba yako palaong to ewa wetu to taa singkonong pei i Pue Allah, see naka tau mangarata huku apa maja’a raya i mPue Allah mangkita dosa.
7 Pasi ewa wetu seja lengko ngkatuwu ngkomi seore tempo komi nakuasang mpamporani to etu.
8 Wali posaka yau samparia lengko to si'i, ewamo maja'a raya, mapoi raya, rani mampoja'a sa'e, manto'o maja'a sa'e, pasi gombo to balamas.
9 Pasi ne'e masiwutis apa komi roomo mamposaka yau tau ngkomi to masae sindara-ndara pei lengkonya, ewa naika ntau mangawonsu yau baju to masae.
10 Pei pake tau ngkomi to bou ewa naika ntau mamposunsuka baju to bou. Apa tau ngkomi to bou etu napapowali i mPue Allah pasi sangkani napakabou i mPue Allah see kanjo'u-njo'u tiduga-dugang komi mangansani Ia see lengko pasi pampobuuka ngkomi kanjo’u-njo’u kamosu-mosu ewa lengko pasi pampobuuka i mPue Allah. Naka pei i Pue Allah mangika ewa wetu see komi damangansani kojo Ia.
11 Wali apa saba Ia roomo mangawaika kita katuwu to bou, see naka tare pasisalanya tau. Nempo to Yahudi pasi nempo tau to si'a to Yahudi, nempo tau to rasui pasi nempo tau to taa rasui, nempo tau to yako lipu to yusa pasi nempo tau to maila, pasi nempo tau to napowatua ntau pasi nempo tau to taa napowatua ntau, nempo ewa wimba tau, tare pasisalanya. Apa i Kerisitu semo to bae batuangiNya pasi Ia re'e maroo ri rayanya samparia tau to mangaya.
12 Wali komi naporayang seja i mPue Allah pasi Ia mangampilis seja komi damawali tau to Ia Puenya. Wali see naka matao komi mampolengkoka lengko to matao ewamo rani mangansawang sa'e, mangika to manoto resi sa'e, ne'e mangei, ne'e makasar resi sa'e, pasi pakabae sabara ngkomi resi sa'e.
13 Pasi ne'e majoli masusa raya ngkomi samba'a pei samba'a, ne’e masikitanaka sala ane re'e yunu to mangika sala resi komi. Wali ewa naika i ngKerisitu mangalapa sala ngkomi, ewa see seja danuika ngkomi damangalapa sala nu yunu ngkomi samba'a pei samba'a
14 Pasi lengko to bae kojo batuanginya komi mampolengkoka, etu semo mamporayang sa'e. Apa pamporayang semo to mangika kita mawali samba’a pampobuuka pasi samba’a raya see damawali masingkatao kojo.
15 Wali i Pue Allah mangawaika kita karodo ndaya, wali biakamo karodo ndaya etu mawali ewa to pobotus to mampakanasaka ri raya ngkomi to imba lengko to matao raika resi yunu ngkomi. Apa naka pei komi napokio i mPue damawali samba'a koro see komi damasingkatao samba'a pei samba'a. Wali masipato komi manganto'oka i Pue Allah, tarima matao.
16 Wali saka kojo samparia gombo to nato'o i ngKerisitu ri raya ngkomi. Gombo etu bae kojo batuanginya raporapaka ewa kasugi. Wali pake gombo i ngKerisitu etu damasipotunde pei masipaposiaka yako kasamparianya kapande to nawaika i mPue Allah komi. Pasi ponyanyika nyanyi ewa gombo to ratulis ri raya buku Mazmur. Pasi matao seja mamponyanyika nyanyi to mangabarong i Pue Allah pasi nyanyi to yusa mangkonong Ia. Wali ponyanyika nyanyi etu resi i Pue batuanginya manganto'oka Ia tarima matao apa kabuya ndaya ngkomi.
17 Pasi bara kesaa to nuika ngkomi, bara magombo, bara to nupolengkoka, ika samparia ewa to masipato naika ntau to mangalulu i Pue Yesu. Pasi ri rayanya komi mangika palaong, to'oka i Pue Allah, Pa'a, tarima matao apa saba to inika i mPue Yesu resi komi.
18 Wali komi to we’a to marongom, luluka songka ndongomu, apa etu semo to masipato naika ntau to samba'a pei i Pue.
19 Pasi komi to langkai to marongom, porayang rongomu, pasi ne'e wuku-wuku resi sira.
20 Pasi komi to ngana, palaika samparia songka ntau tu'a ngkomi, apa palaong to etu mampakasanang kojo i Pue.
21 Pasi komi to pa'a nu ngana, ne'e sangkani mampakasusa raya nu nganamu, apa ane komi sangkani mampakasusa sira, sira damawali makodi yau rayanya.
22 Wali komi to napowatua ntau, palaika samparia songka ntau to pue ngkomi. Ne'e madota mapalaong ojo ri temponya nakita ntau pue ngkomi. Apa ane komi mangika ewa wetu, batuanginya komi ojo rani mampakasanang to lino. Pei palaika songka ntau pue ngkomi yako ri kabuya ndaya ngkomi apa saba komi mampalaika pasi manga’angga i Pue Allah.
23 Pasi bara kesaa to nuika ngkomi, pakadota kojo mangika. Pasi pobuuka palaong ngkomi etu ewa palaong to nuika resi i Pue Allah, si'a ewa palaong to nuika resi to lino.
24 Apa komi mangansani i Pue Allah semo damangawaika komi ntanapa, wali komi damangarata seja anu to Ia roomo mamparajanjika tauNya. Apa kamonsonya i Pue Kerisitu semo Pue ngkomi, wali komi mangika palaong to si Ia.
25 Pei tau to mangika sala, tau etu damangantima singkonong pei sala to nikanya etu. Pasi i Pue Allah taa mampasisala tau.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA