Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Na’, olle daddi ba’na tao ajanji ka oreng ja’ ba’na nanggunga otangnga.
2 Ban olle daddi ba’na la tajira’ bi’ cacana dibi’ ban tajebbak ban janjina dibi’.
3 Mon kantha jareya, na’, ba’na la ekobasae oreng jareya. Tape reya’ carana mon ba’na terro leppasa: duli entar ka oreng jareya; menta pagu-onggu sopaja oreng jareya mabebasa ba’na.
4 Ja’ tedhung ban ja’ aistirahat gallu.
5 Pabebas gallu ba’na dhari jira’ jareya akantha mano’ otabana keddang se mabebas aba’na dhari panganjur.
6 Oreng se males kodu ngabas cara odhi’na bilis ban ajar dhari bilis jareya.
7 Bilis reya ta’ andhi’ pamimpin, ta’ andhi’ pangobasa otabana pangawas,
8 tape saabidda mosem anye bilis reya mapolong parsadhiya’anna kakanan kaangguy mosem laep.
9 Sampe’ bila oreng se males tedhunga terros? Bila se jaga’a?
10 Lakona pera’ toju’ ta’ alalakon sarta ngoca’ kantha reya, "Sengko’ tedhunga gallu sakejja’, sengko’ ngantok."
11 Tape sabatara tedhung, oreng jareya katebanan kakorangan ban kameskenan se dhateng akantha bigal se nyekep gagaman.
12 Oreng jahat ban korang ajar acaca lecek ka man-dhimman.
13 Oreng jareya amaen mata aberri’ tandha kaangguy nepo.
14 Pekkeranna se juba’ possa’ ban neyat jahat se madhateng tokar e man-dhimman.
15 Jareya kabbi bakal madhatengnga calaka’ se dhateng sakaleng adha’ ka aba’na dibi’, sampe’ aba’na ancor.
16 Badha pettong parkara se ekabaji’i PANGERAN se bi’ Salerana ta’ epanneng: Tengka se sombong, colo’ se lecegan, tanang se mate’e oreng se ta’ sala, otek se ngator sajja se jahat, soko se gancang ajalan nojju ka kajahadan, sakse se lecek terros, ban oreng se mamosowan reng-oreng se sakanca’an.
17 (6:16)
18 (6:16)
19 (6:16)
20 Lakone, na’, pa-apa se eparenta’agi eppa’na, ban ja’ kaloppae babala’anna ebuna.
21 Kaenga’e terros dhabuna rama ebuna, sempen e dhalem atena.
22 Pangajaranna rama ebuna jareya bakal nontona ba’na e dhalem parjalanan, ajaga’a ba’na e baja malem, ban aberri’ petodu ka ba’na e bakto ba’na jaga.
23 Babala’anna oreng towana ba’na akantha damar se tera’; parengeddanna noduwagi ka ba’na carana odhi’ se becce’.
24 Kalaban cara se kantha jareya ba’na epajau dhari babine’ se nakal, ban dhari caca se manes tape agandhu’ racon dhari binena oreng laen.
25 Ja’ sampe’ ba’na tagudha bi’ karaddinanna, ja’ kapencot bi’ matana se agudha ate.
26 Sondel ekenneng sewa ban argana nase’ sapereng, tape azina ban binena oreng laen kodu ebajar ban nyaba.
27 Ba’ bisa’a oreng marangko apoy tape kalambina ta’ ekello’?
28 Ba’ bisa’a oreng ngenyek mardha tape sokona ta’ bulla’?
29 Kantha jareya keya babajana oreng tedhung ban binena oreng laen. Sapa’a bai se alako kantha jareya ta’ kera lopot dhari okoman.
30 Mon oreng ngeco’ kakanan, maskeya lapar, oreng jareya tanto eya-seya.
31 Ban mon oreng jareya ekenneng pega’, kodu majar pettong kalena; daddi kodu kaelangan sakabbinna dhi’-andhi’na.
32 Tape baramma mon lalake’ azina? Jareya nyamana arosak aba’na dibi’! Budhu onggu!
33 Oreng jareya bakal eseksa’a ban ebi-cebbi oreng. Nyamana bakal juba’a salanjangnga.
34 Sabab kalaban tengkana se kantha jareya, lakena babine’ gella’ tanto tamburuwan, sampe’ ce’ peggella. Ban mon lalake’ jareya males sake’na atena, oreng jareya ta’ kera andhi’ ate neser.
35 Ta’ kera ekenneng pos-apose ban pesse; maske eri’-berri’ana saapa’a bai bannya’na peggella atena ta’ kera elang.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA