Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Enda me ranan si ibelasken Agur anak si Jake i Masa nari, "Dibata la lit i jenda, la Ia ras aku, seh keri kal gegehku!"
2 "Seri bodohku ras asuh-asuhen, la lit pengertinku.
3 La pernah kupelajari kepentaren, sitik pe la lit pemetehku kerna Dibata.
4 Ise si nggo nangkih ku Surga jenari nusur ka? Pernah kin IcikepNa angin alu TanNa, dingen itimpusna lau alu bajuna, ntah netapken baleng doni enda? Adi ietehna kin, ise dage Ia? Ise anakna?
5 Tep-tep si ipadanken Dibata isehkenna kap. Ia desken ampang-ampang nandangi kalak si ndarami penampat man BaNa.
6 Kune itambahi kai si IkatakenNa, IrawaiNa kam jenari IcidahkenNa maka kam kalak perbual."
7 "O Dibata, ope denga aku mate kupindo man bandu perkara enda, eme:
8 ula min sempat kubelasken kata la tuhu, dingen ula PelepasNdu aku musil ntah bayak. Berekenlah man bangku kai si kuperluken.
9 Sabap kune bayak aku banci jadi maka la aku perlu kam. Janah adi musil aku banci jadi nangko aku seh maka juru Dibatangku."
10 Adi suruh-suruhen ula icekurakina tuanna, maka ula kam kena sumpah ras ngenanami kiniseran.
11 Lit kalak si numpahi bapana, dingen la ngergaken nandena.
12 Lit kalak erpengakap maka ia mejelis, tapi seh kal melketna.
13 Lit kalak erpengakap mehuli kal ia, jenari iangkat-angkatna bana.
14 Lit kalak si pencarinna, alu ndehken kalak musil-musil si mesera.
15 Lintah darat lit dua anakna; duana gelarna "Bangku kerina". Lit empat perkara si la pernah puas,
16 kuburen diberu si la banci mupus taneh tenggiring dingen api si jajat ku japa pe.
17 Kalak si la ngergaken nande ntah bapana si nggo metua, bujur nge adi iambekken pe ndarat gelah matana itagut kak jenari bangkena ipangani rajawali.
18 Lit empat perkara si erbahanca mamang kal ateku,
19 rajawali si kabang i awang-awang, nipe si njoler i datas batu karang, kapal si erlayar itengah lawit, dingen anak perana ras singuda-nguda singenan.
20 Enda me perbahanen diberu si la atena keleng perbulangenna; erlua-lua ia, jenari ridi ia guna nutupi perbahanenna nina, "Labo lit kai pe kubahan!"
21 Lit empat perkara si mesera ngalokenca i babo doni enda,
22 budak jadi raja, kalak longor seh kerina sura-surana,
23 diberu si ciga ate kalak lagu langkahna, tapi dungna tersereh; suruh-suruhen diberu si nciati ndehara tuanna.
24 Lit empat rubia-rubia i bas doni enda si seh kal cerdikna, eme:
25 Perkis, rubia-rubia si labo megegeh, tapi isikapkenna nakanna tupung perlego.
26 Bangsa menci, eme rubia-rubia si labo megegeh tapi ibahanna lubangna i bas batu lingling.
27 Labang, rubia-rubia si labo lit rajana, tapi banci erbaris alu ratur.
28 Cikcak, rubia-rubia si banci itangkap alu tan, banci ijumpai i bas istana raja.
29 Lit telu rubia-rubia si tegap perdalanna eme,
30 Singa; rubia-rubia si jadi panglima man rubia-rubia si debanna, dingen la ia mbiar man ise pe.
31 Kambing bajarna, manuk sabugan, bage pe raja i lebe-lebe rayatna.
32 Adi erkiteken bodohndu maka meganjang ukurndu janah jahat sura-surandu, ukurkenlah e.
33 Sabap adi igawerndu susu, salih kap ia jadi mentega. Adi ipekpekndu igung kalak tedareh kap. Adi ipekekendu pernembeh kalak, nandangi rubat me kam.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA