Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kalak si la nggit erteman, bana ngenca atena ngena, si iakap kalak la jore, iakapna payo.
2 Kalak bodoh la terbereken pengertin man bana; encidahken kebeluhenna ngenca atena.
3 Dosa ras kemelan sada kap pengodakna; adi bene kemulian, mela datndu jadi gancihna.
4 Ranan kalak banci jadi ulu kepentaren si mbages desken lawit, maler bagi lau belin si malem.
5 La mehuli engkapiti kalak jahat, dingen la mereken keadilen man kalak si la ersalah.
6 Kune kalak bodoh mulai erjengil, mindo perligas kap ia ngenca.
7 Ranan kalak bodoh encedaken bana, cakapna jadi siding man dirina.
8 Ranan percekurak entebu nanamna, merincuh kalak nelenca.
9 Kalak malas seri jahatna ras kalak si nggit encedai.
10 TUHAN e bali ras benteng si paguh, ku je me perlawes kalak bujur gelah ia terkelin.
11 Isangka kalak bayak maka ertana me jadi bentengna, bali ras tembok si meganjang janah paguh i kelewet kota.
12 Kalak megombang la banci lang terantuk, si meteruk rukur ndatken kehamaten me.
13 Dengkehken lebe ope denga njabap, adi la bage ibahanndu, bodoh dingen ihinandu kalak.
14 Alu kerincuhen nggeluh, kalak sakit reh gegehna; kune bene kerincuhen e, bene ka pe pengarapenna.
15 Kalak si lit pemetehna, lalap ia merincuh pemeteh, kalak pentar gelgel atena erlajar.
16 Bereken hadiah man kalak si erkuasa, gelah la mesera jumpa ras ia.
17 Ranan kalak si mula-mula ngerana i bas sidang pengadilen, seh maka imbangna mereken penungkunen bana.
18 Adi dua kalak perimbang i pengadilen, perkarana banci iputusken alu erbahan tikam tanduk.
19 Sampatilah seninandu maka ia desken benteng si nteguh man bandu; adi rubat kam ras ia, la ia nggit nalangi pintunna man bandu.
20 Ranan si ibelasken, inanami nge nanamna.
21 Kai si ibelaskenndu banci ngkelini ntah encedaken geluhndu, emaka alokenlah akibat kerina pengeranandu.
22 Kalak si nggo ndat ndehara, ndatken kesangapen, e tandana maka ia ikelengi TUHAN.
23 Kalak musil mindo alu mesek-sek, tapi kalak bayak mersik penjabapna.
24 Lit teman si la setia, lit ka teman meriah deheren asangken ersenina.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA