Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ule Timotius adiíku! Totabi inta inogoi ko'i naton sin notobatuídon i Kristus ing kita, balií intua dodoyonan inta mokoroton ko'inimu.
2 Onu inta ain dinongogmu sinunduíku kon tayowon intau moaíntoí, yo poki-aid intua kon intau mita inta mota'au pirisaya'an bo inta mongopandoi motunduí kon intau ibanea.
3 Ikow musti moyotakin rumoriga saḷaku tontara i Kristus inta motoindudui.
4 Tobatuí prajurit inta koyogot moparang diaí bidon morai kong kopontingannya tontanií, lantaran mo'ibog in sia moposanang ing gina i tuangnya.
5 Naí doman tua tobatuí olahragawan, diaíbií in sia moko'untung aka diaí dumudui kon atorang inta pinakeí kom pertandingan tatua.
6 Tobatuí monononggobaí inta umuran moramiji totok, tantuí siabií i muna-munamai moka'an kom bungai im pinomuḷanya tatua.
7 Raibií kopira onu im pinogumanku tana'a, sin ogoianbií i Tuhan in raian mopandoi in ikow sahingga ing komangaleanmudon im bayongan yagi-yagi.
8 Torop in na'a: Habar Mopia inta pinoyaputku tua in habarbií soaáḷ ki Yesus Kristus inta ain nobiag kon sigad in intau minatoi, inta pinolahir saḷaku katurunan i Daud.
9 Bo lantaranbií nopota'au in Habar Mopia tana'a sahingga aku'oi noko'ulií kon roriga, nodapot in sinokig naonda bo intau mora'at, ta'e pirman i Allah diaíbií mota'au tokigon monia naí aku'oi.
10 Tuamai aku'oi in notabahbií notanggung kon tua komintan lantaran kopontingan in intau mita inta aim pinilií i Allah, simbaí mosia moko'ulií doman kong kasaḷamatan inta inaidan i Kristus Yesus bo takin kamulia'an inta mononoi.
11 Totu'ubií in singog tana'a, "Aka kita bo matoi takin-Nya, yo kita im mobiagbií doman takin-Nya.
12 Aka kita bo motabah, yo kita im moyotakin-Nyabií doman momarentah. Aka diaí akuon naton in Sia, yo diaíbií doman akuíon-Nya ing kita.
13 Aka kita diaí mosatia, Sia in umuranbií mosatia, sin Sia umuranbií dumudui kon ibog-Nya tontanií."
14 Mustimu ponorop kon intau mita in na'a komintan. Kon tayowon i Allah, tonggina'ai im mosia simbaí diaí tongaí mobobayowan kon soaáḷ istilah mita, sin diaíbií mangale intua, malah tongaíbií mopotomba'uk kon raian intau mita inta mokodongog kon tua.
15 Totok poramiji simbaí akuondon i Allah in ikow saḷaku intau inta mota'au pirisaya'an-Nya mogaid kon oaíidan-Nya. Poramijibií kombaí diaí mo'oyak in ikow mogaid kon oaíidan tatua, ta'e tongaídon kabaranian motunduí bo mopota'au kon onu inta mobanar nongkon i Allah.
16 Poyayukdon mongonguman kon soaáḷ mita inta diaí i mangalenya bo inta mohojat ko'i Allah. O'uman mita natua tongaíbií mokodugang kong kora'at in intau.
17 Singog monia tua in ḷumandai naonda bo panyaki kangker inta mokopatoi. Kon sigad monia tua oyuíondon ing ki Hermeneus bo ki Piletus.
18 Mosia tua ain inumukat kon totunduí inta mobanar bo mopotomba'uk kom pirisaya in tongonumai intau. Mosia noguman, kong kobiagan nongkon kinopatoian aim bidon nobalií.
19 Ta'e dodoyonan moroton inta aim pinomia i Allah tua diaí bidon im mokodanduí. Kon limoniknya pinaisdon nana'a, "Kinota'auanbií i Tuhan umat-Nya inta kinotabi-Nya," bo "Intau inta mongaku umat i Tuhan mustidon mogogai mogaid kon inta noi'taḷaí."
20 Kom bonu im baḷoi moḷoben norupa-rupamaidon im pakakat, oyuíon in nongkon perak, nongkon buḷawan, oyuíon doman in nongkon kayu bo nongkon butaí. Oyuíon im pinogaid kon oaíidan inta mopia totok, ta'e oyuíon doman im pinogaid kon oaíidan inta diaí totok moponting.
21 Intau inta monaḷaímaidon kom bayongan inta mora'at ko'inia, yo sia tua im pakeíon pogaid kon oaíidan inta mopia totok. Dongkadon ki tuangnya ing ki togi ko'inia bo mobaraguna domandon in sia ko'i tuangnya. Sia sinadiadon sim pakeíon kom bayongan oaíidan inta mopia.
22 Tuamai dika naí ibogpa in tayamobiag mita, inta mo'ibo-ibog in diaí mopia, ta'e poramiji mobiag podudui kon inta kino'ibog i Allah. Mokopotoindudui kon onu in sinunduí i Tuhan, bo motabi kon tumpaḷa intau bo gina umuran mosanang. Kobiagbií natua takin mosia inta umuran mokuani mokituḷung ko'i Tuhan takin gina motulid.
23 Dika mo'ibog mobobayowan takin intau mita bodok inta diaí nonota'au kon onu bo onu. Aim bidon kinota'auanmu kon tongaíbií intua mokopomukaí kon yogenggeng.
24 Intau inta nogaid kon oaíidan i Tuhan diaíbií mopia aka moyogenggeng. Mustibií mokopoaáḷus kom pososingog bo mokopo ompaí kon dodia kon tumpaḷa intau, bo mopira doman motunduí kon intau bo mosabar.
25 Sia musti mokopoḷukoí kom bahasa aka motunduí kon intau mita inta mo'ibog momaḷawang; bo tantuí mopo'igum makow baí ogoian i Allah ing kasampatan in intau mita tatua simbaí mogogaidon mogaid kon dosa bo monota'audon kon totunduí inta no'itutui.
26 Sahingga mosadardon mosia bui, bo mo'ipilatdon nongkon poyogaḷap in Ibilis inta ain notogot ko'inia tua bo nomakisa simbaí umuran dumudui kong ko'ibognya.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA