Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Timotius, anakku! Hagani niku jadi kuat ulih rahmat sai dikeniko jama ram, mani ram besatu jama Isa Almasih.

² Ajaran sai tumbai radu niku dengi jak nyak di hadap lamon jelma, hagani niku percayako jama jelma-jelma sai dapok dipercaya rik sai pintar ngajar ulun bareh.

³ Niku harus nutuk menderita sebagai prajurit-Ni Isa Almasih sai setia.

⁴ Sai prajurit sai sedang tugas, mak haga nyibukko dirini jama urusan-urusanni tenggalan, mani ia mirak nyenangko hati penglimani.

⁵ Sai olahragawan mak haga jadi juara di delom suatu pertandingan kik ia mak naati atoran-atoran.

⁶ Petani sai radu beguai keras, iado sai mula-mula berhak mansa hasil tanoman.

⁷ Renungkodo api sai nyak kemukako ano, mani Tuhan haga ngeniko jama niku kesanggupan untuk ngerti sunyinni.

⁸ Ingokdo inji: Kabar Betik sai kukabarko udi iado kabar tentang Isa Almasih, keturunan Daud; Iado Almasih sai radu hurik luot jak kematian.

⁹ Mani ngabarko Kabar Betik udido, nyak menderita; malah sampai dirantai injuk sai jelma penjahat. Kidang cawa-Ni Allah mak dapok dirantai.

¹⁰ Udido sebabni nyak tabah nanggung sunyinni ano demi kepentingan jelma sai radu dipilih ulih-Ni Allah, in tian pun mansa keselamatan sai dikeniko liwat Isa Almasih, rik disertai keagungan sai abadi.

¹¹ Temon nihan cawa inji, "Kik ram radu mati jama-jama Ia, ram haga hurik juga jama-jama Ia.

¹² Kik ram tetap tabah, ram haga memerintah juga jama-jama Ia. Kik ram ngingkari Ia, Ia juga haga ngingkari ram.

¹³ Kik ram mak setia, Ia tetap setia, mani mak dapok Ia betentangan jama diri-Ni tenggalan."

¹⁴ Hagani niku ngingokko jelma-jelma tentang sunyinni inji. Di hadap Allah, petuahkodo tian in dang betangkar tentang istilah-istilah. Udi mak ngedok gunani, malahan angkah ngacauko jelma-jelma sai ngedengini.

¹⁵ Hagani niku berusaha temon-temon in diakui ulih-Ni Allah sebagai jelma sai layak beguai bagi-Ni. Berusahado in niku mak meliom tentang guaimu, melainko ngajarko tepat ajaran-ajaran benor jak Allah.

¹⁶ Jaohido kicik-kicikan sai mak ngedok gunani rik sai ngehina Allah. Kicik-kicikan injuk seno angkah nyani ulun semakin jahat.

¹⁷ Ajaran-ajaran jelma udi ngejalar injuk penyakik kanker sai ganas. Di hantara tian termasuk Himeneus rik Filetus.

¹⁸ Tian radu nyeleweng jak ajaran sai benor, rik ngacauko kepercayaan sebagian jelma. Tian cawa bahwa kebangkitan jak kematian radu tejadi.

¹⁹ Kidang dasar kuat sai disani ulih-Ni Allah mak dapok diguncangko. Di atasni tetulis inji, "Tuhan kenal jama jelma-jelma kedau-Ni", rik "Jelma sai cawa bahwa ia kedau-Ni Tuhan, jelma udi harus taru ngelakuko perbuatan sai salah".

²⁰ Di delom lamban sai balak wat macam-macam pekakas. Wat sai disani jak perak atau emas, kidang wat juga sai jak kayu atau tanoh. Wat sai dipakai untuk keperluan istimewa, rik wat juga sai dipakai untuk keperluan biasa.

²¹ Jelma sai ngecahko dirini jak sunyin sai jahat, jelma udi haga dipakai untuk keperluan sai istimewa. Ia jadi kedau sai khusus rik beguna bagi tuanni. Ia disediako untuk dipakai bagi unggal guai sai betik.

²² Jaohido kesenangan-kesenangan jelma ngura. Berusahado untuk hurik nutuk kehaga-Ni Allah, setia jama ajaran-Ni rik peperda mengasihi rik ngedok ketenteraman hati. Hurikdo injuk reno jejama tian sai beseru ngilu tulungan jama Tuhan jama hati sai murni.

²³ Dangdo nutuk delom perdebatan jelma-jelma bugu sai mak pandai api-api. Niku pandai bahwa sunyin ano angkah nimbulko pertangkaran.

²⁴ Jelma sai beguai untuk Tuhan mak patut betangkar; ia harus ramah tehadap sunyin jelma, rik dapok ngajar betik rik sabar jama jelma.

²⁵ Ia harus lemoh lembut ngajari jelma-jelma sai gering ngelawan; mudah-mudahan Allah ngeni kesempatan jama jelma-jelma udi untuk betubat jak dusa-dusa tian rik kenal jama ajaran-ajaran sai benor.

²⁶ Jama injuk reno tian jadi sadar luot, rik telepas jak perangkap iblis sai radu nawan tian rik maksa tian nutuk kehagani.

2 Timotius

Video 2 Timotius 2

Ikuti Kami:

KONTAK | PARTISIPASI | DONASI