Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Manga anạ u sěmbaụku ikẹ̌kěndagẹ̌! Kai ini e suratẹ̌ku karuane si kamene. Su ral᷊ungu suratẹ̌ darua ini, iạ e mẹ̌tẹ̌tawakal᷊i mạmangung kal᷊awọu pěndangu naung i kamene matatilang.

² Iạ mapẹ̌tahěndung i kamene su manga těbal᷊u manga nabi nạung kal᷊amona e ringangu titan Mawu, Ratu Mananal᷊amatẹ̌, nihabarẹ̌ si kamene wọu manga rarolohang.

³ Kahumotongange, i kamene harusẹ̌be mạsingkạ u su ěllo-ěllọ e pěhěpusange, sarung mahunsěpụ taumata apan pẹ̌bawiahe wẹ̌bal᷊ẹ̌bidangu abul᷊ing sahig'i sire. I sire e kai sarung měmpěheghesẹ̌ si kamene,

⁴ kapẹ̌bẹ̌berane ungkuěng, "Uadewe Mawu e nẹ̌kědou sarung duměnta! Kụ ini e kawe suapa i Sie? Manga i upung i kitẹ e seng nasue něngkairị, kaiso kěbị sạbarange měngkate lai těbe kere nạung dunia e nariadi!"

⁵ I sire semben nẹ̌tatudẹ u tawe mapulu měngaku u nạung kal᷊amona e Ruata něndiadi langị dingangu dunia ual᷊ingu hengetang'E. Dunia e niriadine wọu akẹ,

⁶ kụ dingangu akẹ lai kụ kai wọu akẹ u ralulung masaria dunia tempo ene naelọ dingangu nawinasa.

⁷ Arawe langị dingangu dunia orasẹ̌ ini e, pẹ̌padul᷊iangu hengetangu Mawu Kasěllahenge lai kạtatamang mẹ̌deạu sarung ipakawinasan putung. Orasẹ̌ ini langị dingangu runia wẹ̌daweng kạtatamang sarangkeweng ěllom pělahukungu taumata raral᷊akisẹ̌ e kụ iapakawinasa.

⁸ Arawe manga anạ u sěmbaụku, hal᷊ẹ̌ sěmbaụ ini e kumbahangbe i kamene miwul᷊e: u su ral᷊ungu silom matang Mawu e, sahěllo e tawe pinẹ̌tatěntangenge ringangu sěhiwu -- su taunge irẹ̌dua e měngkate mẹ̌sul᷊ung si Sie.

⁹ Mawu e tawe marararěnna měngonggọu apan seng bọu nikẹ̌don'E, maningbe piạu mạngiral᷊ingu al᷊ingkai kerene. Kasueěnge, i Sie měngkate mẹ̌tẹ̌těngkasabarẹ̌ su těngong kamene, batụu i Sie tawe mapulu piạu sěngkatau mawinasa. Kapulune ute kai tadeạu kěbị taumata e mẹ̌tobatẹ̌ bọu kal᷊awọu rosane.

¹⁰ Arawe Ěllon darěntan Mawu e sarung kere rarěntan tahatako. Su Ěllo ene, langị sarung maparung dingangu tingihu rěllụ, masene kal᷊awọu apan su l᷊angị e masue maupung katatutung, mase dunia ringangu patikụ apan su ral᷊unge sarung maparung.

¹¹ Ual᷊ingu kěbị ene sarung masue magholọ kerene kụ kereapa wue i kamene mẹ̌biahẹ̌? I kamene harusẹ̌ mẹ̌těngkasusi waugu Mawu Ruata,

¹² karěngụeweng i kamene měmpạngampal᷊ẹ̌ dingangu mẹ̌kẹ̌karakin darěntang Ěllon Duata. Su Ěllo ene langị sarung masue matutung, dingangu ual᷊ingken katatětị e, ute kal᷊awọu sạbarang su l᷊angị e sarung měngkatuno.

¹³ Arawe i kitẹ e měngampal᷊ewe apan nikẹ̌don Mawu Ruata e, kụkai langị buhu ringangu dunia wuhu, su apan sene piạ kal᷊aadilẹ̌e.

¹⁴ Hakịu ene manga anạ u sěmbaụ ikẹ̌kěndagẹ̌ těntal᷊angbe i kamene reng měmpạngampal᷊ẹ̌ darěntan Ěllo ene e, pẹ̌tatẹ̌gehẹ̌kong kạguwạu naung i kamene mẹ̌těngkasusi ringangu tawẹ turạe su pẹ̌bawiahẹ̌ e su těngon Mawu Ruata.

¹⁵ Pěllọ e pẹ̌kakakědangu Mawung kitẹ e tabidạu ghaghěllịu loahe si kamene, tadeạu maambang. I Paulus, anạ u sěmbaụ i kitẹ ikẹ̌kěndagẹ̌ e semben lai němohẹ kerene si kamene. I sie němohẹ suratẹ̌ ene timuhụ tahuěnna nionggọ u Ruata si sie.

¹⁶ Su ral᷊ungu patikụ surate, i Paulus měngkate masau měmohẹ u ene. Mambem piạ hal᷊ẹ̌ pira-pirambaụ e masusa kaěnnaěng su ral᷊ungu suratẹ̌ ene. Mase taumata apan tawe makal᷊aěnna ringangu mal᷊ongkọ pangangimange, seng němpěmihu apan seng bọu nịbawohẹ i Paulus. Kerene lai kẹ̌koateng i sire su manga winohẹ bal᷊ine. Kěbị ene kětạeng makawinasa si sire hala.

¹⁷ Arawe i kamene manga anạ u sěmbaụ ikẹ̌kěndagẹ̌ e seng masingkạ u hal᷊ẹ̌ ene. Ual᷊ingu ene tangu pakapapia wue, kumbahangbe i kamene ikataweng sarang kapapal᷊idu taumata wẹ̌gan atorange kụ i kamene měngkanawo wọu tampạ tawẹ konsange apa.

¹⁸ Tangu kěnangko i kamene mangkeng makạpěndang tatal᷊ěntụ'i Yesus Kristus, Mawu ringangu Ratu Mananal᷊amat'i kitẹ e, ringangu kěnangko i kamene mal᷊aing mangkeng makạkiral᷊a si Sie. Karaloko i Sie, orasẹ̌ ini ringangu sarang marěngụ-děngụ! Aming. Adat'i kami, Petrus

2 Petrus

Video 2 Petrus 3

Ikuti Kami:

KONTAK | PARTISIPASI | DONASI