Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 O kinanak-kinanakku luk inanku mawa, ini kedueh surat luk ui maré kuan muyuh, idi bang dueh-duehneh ini ui ngegio terawé muyuh luk meligan ineh dengan dalan mada' kuan muyuh,
2 pad muyuh ngerawé ratnan bala luk bida' nabi-nabi luk meligan atun, idi ukum Tuhan, Lun Nengulun, luk biré rasul-rasul luk icuk kuan muyuh.
3 Pun-pun, ngerawé do'-do'! Kareb aco kekiped, miak macing tuda'-tuda' lun luk nalan maya' pinian bururdeh sebuleng.
4 Ideh miak situnga nemuyuh, kebaladeh, "Idanké acingNeh luk pijani' ineh? Tepun tau pangeh naté, iamo' amung-amung mepad kudeng ayuneh rat pun-pun tana' ini pinudut."
5 Dengan rungen ideh mekelupan ratnan luk mangun mon. Ieh ineh Allah nepebala pad langit idi tana' pinudut. Tana' pinudut ratnan abpa' idi dengan abpa' pana'.
6 Dengan dalan ineh tana' luk idi bang kareb ineh pangeh nengalap até idi nereb ku abpa' ineh.
7 Iamo' langit idi tana' luk idi nekini uen ngasa' ratnan bala Allah ineh, pad uen ngusag ku apui, ieh ineh pad macing aco luk inan lemulun luk na manu kumin idi pitayen.
8 Iamo' aleg muyuh mekelupan sebuleng bala ini, O amung-amung luk inanku mawa! Seaco kuan Tuhan mepad kudeng meribu lak, idi meribu lak mepad kudeng seaco.
9 Tuhan na nginiuk luk pijani'Neh mepad kudeng luk tirawé tuda'-tuda' lemulun, iamo' Ieh mekadang niat nemuyuh; ngaceku na Ieh pian seburur pana' pitayen. Luk pianNeh, pad amung-amung lemulun teketed ratnan sala'deh.
10 Iamo' Aco Tuhan sikal macing mepad kudeng lun mano. Langit miak metutu' dengan uni luk meluun rayeh, idi amung-amung pudut luk bang langit miak meseb idi ubpa', idi tana' dengan amung-amung kekamen luk ina bangneh ineh miak meseb.
11 Kudeng luk amung-amung miak uen ngusag kudeng ineh, kudeng apehké luk petulu kuan ulun muyuh? Do' muyuh meligan idi meriput pa kiung Allah
12 laba' muyuh nganét Aco Allah ineh, idi do' muyuh mekél ngacing Aco ineh kareb langit miak meseb idi ubpa', idi amung-amung pudut miak meseb idi remuno.
13 Iamo' maya' kudeng luk pijani' Allah tau nganét langit luk mebaruh idi aceh tana' luk mebaruh, luk panu' ku luk matu.
14 Ngaceku ineh, O luk inanku mawa, laba' muyuh nganét amung-amung luk kudeng ini, do' muyuh mekél pad muyuh miak lapen dengan awang, dengan na melutak idi na mesala' pa kiung Tuhan.
15 Do' muyuh ngerawé kadang niat Tuhan tau ineh ngacing inan ulun, kudeng ineh teh Paulus, kinanak luk inan tau mawa ineh, pangeh nengayud kuan muyuh maya' ileh luk biré Allah kuanneh.
16 Bang amung-amung suratneh ieh mala' ratnan luk kudeng ini. Idi bang suratneh inan tuda'-tuda' bala luk medalem luk mikat kali', idi lemulun luk na nesibada' idi luk na lutep, ngelupat bala ineh, mepad kudeng luk inau'deh kuan surat-surat luk baken, pad ngacing até kuan bururdeh sebuleng.
17 Iamo' muyuh ini, O luk inanku mawa, kali' ratnan amung-amung ini. Matar do'-do', pad muyuh na manud ngaceku raruh lemulun luk dat ineh, idi pad muyuh na mebpeh ratnan ulun muyuh luk lutep ineh.
18 Iamo' do' muyuh temubu' bang katu idi ileh ratnan Tuhan tau Yésus Keristus, Lun Nengulun. Idi rayeh kuanNeh, do' nekini idi ruked-ruked pana'. Amin.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA