Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Utatku mita inta kinotabiku! Na'a in suratku inta induanyadon ko'i monimu. Kom bonu in suratku induanya tana'a, aku'oi noramijidon totok simbaí mo'ikow tongaí umuran morai kon inta mopia bo inta mokobiag.
2 Bo umuranku doman anjuron makow simbaí tantuí monorop kon onu inta aim pinoguman in nabi mita i Allah tungkuḷ intua bo moponorop doman makow kom parentah i Tuhan bo i Raja Mopoposaḷamat, inta aim pinota'au in rasul mita ko'i monimu.
3 Inta musti totok kota'auan monimu in nana'abií: Kon singgai tumi mamangoi in intau mita inta kobobiag monia kinawasa'an ibog in awak monia tontanií. Mosia moningkule ko'i monimu.
4 Mosia mosingog nana'a: "Dongogonmai ki Tuhan nodandi mamangoi! Yo ondabií in nion! Nodaitdon minatoi im mogoguyang naton ta'e bayongan yagi-yagi umuranpabií naí ka'ada'an tungkuḷ intua, wakutu in dunia na'a bagupa inaidan!"
5 Tu'odonbií monia diaí pirisaya'an, kon dunia na'a pinomia i Allah takin singog-Nya. Butaí na'a pinomia-Nya nongkon tubig doman, bo takin tubig;
6 Bo tubigbií doman na'a im pinakeí i Allah nonginggamaí kon dunia na'a bo tombonunya mita tungkuḷ intua.
7 Ta'e ḷangit bo butaí in umuranpa oyuíon in tana'a makow, iḷukadandon in singog i Allah nongkon tuḷu sim popogoḷat kon singgai ponantuían bo koyoyangan in intau mita inta mora'at.
8 Ta'e utatku mita, dika koliongan monimu in soaáḷ tobatuí tana'a, "Aka kon tayowon i Tuhan, tosinggai notongkaibií in toribu notaong, bo toribu notaong naí bií doman tosinggai, diaíbií in yoposinya kon tua."
9 Diaíbií moḷaḷoi ing ki Tuhan mogintompod kon onu inta aim pinodandi-Nya, umpakahbií oyuíon intau mosingog kom moḷaḷoi in Sia. Ta'e ki Tuhan in umuranbií mosabar im mo'indoi makow kon oaíid monimu, sin doiíbií in Sia aka tobatuípamai intau kon sigad monimu im moputuí. Ibogon-Nya, bayongan intau mogogaidon mogaid kon dosa.
10 Ta'e Singgai koaíngoian i Tuhan diaíbií butungonmai, sin naondabií bo ko'oangoi im mononakow. Kon singgai tatua ḷangit moyoyang takin gotup inta totok im moko'ondok, bo onukadon ing kon ḷangit modaitbií mopokak, natua doman im butaí bo bayongan in tombonunya modait doman mo'inggamaí.
11 Lantaran bayongan tua bo daiton rimumudon takin cara natua, daí mo'ikow imusti mobiag mokopotoḷutui bo tongaí doman mobantung ko'i Allah,
12 solama mo'ikow mogoḷat makow bo mokotanob kong koaíngoian in Singgai i Allah. Kon Singgai tatua ḷangit modait mopokak, bo lantaran patuínya tatua, daí bayongan yagi-yagi kon ḷangit modait motatom.
13 Ta'e kita in umuranbií mogoḷat makow kon dandi i Allah. Dandi i Allah tua in soaáḷbií ḷangit bo Butaí inta Mobagu inta motompia bo moaídil.
14 Manangka intua ule utatku mita inta kinotabiku, wakutu im mo'ikow mogoḷatpa makow kong koaíngoian in Singgai tatua, yo poramijibií totu-totu'u simbaí mobiag modarit takin diaíbií im mokotor kon tayowon i Allah. Bo ḷukadaibií in hubungan mopia takin i Allah.
15 Anggapbií kasabaran i Tuhan naton saḷaku kasampatan inta inogoi-Nya ko'i naton simbaí kita komintan posaḷamaton-Nya. Soaáḷ tana'a aim pinais doman i Paulus ki utat naton koíi monimu. Tua pinaisnya lantaran kabijaksana'an i Allah inta inogoi ko'inia.
16 Kom bayongan surat i Paulus tua mita umuranbií pinaisnya. Bo totu'ubií kon oyuíon in tongonumai nohal kon suratnya mita mororiga totok komangalean im bonunya tua. Bo inta mororiga totok komangalean tatua, sinokotu'ui in intau mita inta diaí nonota'au kon onu bo onu bo inta diaí noroton im pirisayanya. Soaáḷ mita tatua diaí bidon mokoherang, sim bonupa im Buk Mosuci ramijion doman monia pomia'an natua. Tongaí oaíid monia tatua mokoboditobií doman ko'i monia tontanií.
17 Ta'e mo'ikow utat mita inta kinotabiku, kinota'auan bidon monimu intua. Tuamai mokopo'ingat simbaí mo'ikow diaí mo'idudui kon aid in intau mita mora'at tatua bo inta diaí doman nonota'au in hukum, bo mo'ikow moḷabuí nongkon dodoyonan kobiagan monimu inta moroton.
18 Umurandon mo'ikow kobiag kom bonu in totabi i Tuhan Yesus Kristus, Tuhan bo Mopoposaḷamat naton. Poramiji totok simbaí mo'ikow modugangdon monota'au kon soaáḷ Sia. Dinayo-dayowdon ing ki Allah nongkon tana'a makow modapot ing kopaḷutannya! Amin. Hormat nami, Petrus
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA