Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Semeton senamian saq tiang kasihin! Niki surat tiang saq kedue tipaq side. Lẽq dalem kedue surat niki, tiang berusahe ngidupang pikiran-pikirande saq murni.

² Tiang anjurang adẽq side pade inget lẽq ucapan-ucapan saq laẽq tesampẽang siq nabi-nabi Allah, dait lẽq prẽntah lẽman Junjungan Saq Mulie dait Juruselamette, saq tesampẽang tipaq side langan rasul-rasul.

³ Saq terutame harus side pade nenaoq, bahwe lẽq jelo-jelo penutuq gen dateng tukang-tukang oloq, nike dengan-dengan saq idup menurut hawe napsune.

⁴ Maraq niki basen ie pade, "Mbẽ janji mengenai kerauhan-Ne nike? Bapaq-bapaq leluhurte sampun ninggal, laguq selapuq-lapuqne masih pade doang maraq waktu dunie niki tecipteang!"

⁵ Ie pade sediah ndẽq mẽlẽ ngaku bahwe laẽq Allah cipteang langit dait gumi siq manik-Ne. Gumi Ie cipteang lẽman aiq, dait siq aiq;

⁶ dait siq aiq ẽndah -- nike aiq lẽman belabur saq belẽq -- dunie saq laẽq nike temusnahang.

⁷ Laguq langit dait gumi saq araq mangkin niki tepeliharaq siq Manik Allah, ẽraq nike ẽndah temusnahang siq api. Mangkin langit dait gumi masih tepeliharaq jangke dateng jelone dengan-dengan saq ndẽq kenal Tuhan tehukum dait tebinaseang.

⁸ Laguq semeton-semeton tiang saq tiang kasihin, ndaq side lupaq lẽq sopoq hal niki, bahwe bagi Tuhan, sejelo ndẽq araq bẽdene kance siyu taun -- dait siyu taun pade maraq sejelo.

⁹ Tuhan nẽnten lupaq ngicanin napi saq sampun Ie janjiqang timaq araq saq beranggepan maraq nike. Sebalikne, Ie sabar lẽq side pade, sẽngaq Ie nẽnten kayun sopoq dengan juaq saq binase. Allah kayun adẽq selapuq dengan betobat lẽman dose-dosene.

¹⁰ Laguq jelo kerauhan Tuhan gen rauh maraq maling. Lẽq jelo nike, langit gen musnah siq suare saq dahsyat, dait selapuq saq araq lẽq langit gen bis julat, dait gumi kance selapuq saq araq lẽq dalemne gen musnah.

¹¹ Jari, lamun selapuqne nike gen teancurang siq care saq maraq nike, berembẽ sepatutne side pade harus idup suci dait solẽh,

¹² side pade saq kenyeke ngantih dait miaq kerauhan jelo Allah sayan becat. Sẽngaq lẽq jelo nike langit gen bis julat, dait selapuq saq araq lẽq dunie gen anyong lantaran panasne.

¹³ Laguq ite ngantih napi saq sampun tejanjiqang siq Allah, nike langit saq baru dait gumi saq baru, lẽq derike taoqne kebenaran.

¹⁴ Keranaq nike, semeton senamian saq tiang kasihin, sementare side pade ngantih jelo nike, pade berusahe pacu-pacu jari idup suci dait ndẽq bedowẽ cacat cele lẽq arepan Allah, dalem perdamẽan kance Ie.

¹⁵ Anggep kesabaran Tuhante jari kesempatan saq teicanin tipaq side adẽq bau selamet. Paulus, semetonte saq ite kasihin, sampun nulis saq maraq nike ẽndah tipaq side pade. Ie nulis hal nike siq kebijaksanean saq teicanin siq Allah tipaq ie.

¹⁶ Lẽq dalem selapuq suratne, Paulus tetep nulis mengenai hal nike. Mule araq pire hal saq sengke tepahamin lẽq dalem surat-suratne nike. Dait hal nike saq teputer-balik siq dengan-dengan saq ndẽq taoq napi-napi dait saq ndẽq teguq imanne. Hal nike ndẽq miaq bengaq, sẽngaq bagian-bagian saq lain lẽman Kitab Suci tepiaq maraq nike ẽndah siq ie pade. Napi saq ie pade laksaneang nike cume datengang kebinasean tipaq diriqne mẽsaq.

¹⁷ Laguq side pade, semeton senamian saq tiang kasihin, side pade sampun nenaoq mengenai hal nike. Keranaq nike, waspade adẽq ndaq jangke side pade teoros ojok dalem kesesatan dengan-dengan saq ndẽq kenal hukum, sehingge keyakinan side pade telang.

¹⁸ Side pade harus sayan kuat lẽq dalem rahmat dait dalem hal kenal kance Deside Isa Almasih, Junjungante Saq Mulie dait Juruselamette. Bagi Ie kemuliean dait kehormatan, mangkin dait jangke selaẽq-laẽqne! Amin.

2 Petrus

Video 2 Petrus 3

Ikuti Kami:

KONTAK | PARTISIPASI | DONASI