Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Keranaq nike tiang sampun miaq keputusan ndẽq gen dateng malik ojok side lẽq waktu angen tiang sedih.

² Sẽngaq lamun tiang miaq side pade jari sedih, sai malik saq tao hibur tiang, selain dengan-dengan nike ẽndah saq sampun tiang piaq sedih angenne?

³ Keranaq nike tiang nulis surat niki tipaq side, adẽq lamun tiang dateng, ndaq tiang tepiaq jari sedih siq ie pade saq seharusne miaq tiang seneng. Sẽngaq tiang yakin bahwe lamun tiang seneng, make side selapuqne pasti gen seneng ẽndah.

⁴ Tiang nulis tipaq side siq atẽ saq sedih dait kuatir dait luwẽq nyugulang aiq mate. Maksut tiang ndẽqne adẽq side jari sedih, laguq adẽq side pade nenaoq bahwe tiang tetu-tetu ngasihin side pade.

⁵ Lamun araq dengan saq miaq dengan jari sedih, make hal nike ie laksaneang ndẽqne tipaq tiang, laguq tipaq selapuqde atao sekurang-kurangne pire dengan lẽman side, adẽq tiang ndẽq ngelebihang raos.

⁶ Lẽq dengan saq maraq nike, hukuman saq teputusang tipaq ie siq separo lebih lẽman side, sampun cukup.

⁷ Mangkin side pade harus ngampunin ie dait hibur ie, adẽq ie ndaq binase lantaran kesedihan saq berat gati.

⁸ Keranaq nike tiang tunas, adẽq side pade nyatayang malik lẽq ie bahwe side pade tetu-tetu ngasihin ie.

⁹ Tiang nulis surat niki tipaq side siq maksut jari nguji side pade, napi side pade tetep taat dalem selapuq hal.

¹⁰ Lamun side ngampunin dengan saq sampun miaq kesalaqan lẽq side make tiang ẽndah ngampunin dengan nike. Sẽngaq napi saq sampun tiang ampunin -- lamun mule araq saq perlu teampunin -- nike tiang ampunin lẽq arepan Almasih jari kesolahan side pade.

¹¹ Tiang laksaneang nike adẽq Belis ndaq mauq kesempatan jari nguasein ite; sẽngaq ite nenaoq rencane-rencanene.

¹² Sewaktu tiang dateng lẽq Troas siq maksut jari beriteang Kabar Solah mengenai Almasih, Tuhan sampun bukaqang tiang langan jari begawẽan lẽq taoq nike.

¹³ Laguq tiang ndẽq tenang sẽngaq lẽq derike ndẽq bedait kance semetonte Titus. Jari tiang bepamit lẽq dengan-dengan lẽq taoq nike terus lalo ojok Makedonia.

¹⁴ Laguq syukur tipaq Allah! Ie tetep mimpin tiang pade milu lẽq arak-arakan kemenangan-Ne. Allah kadu tiang pade adẽq berite mengenai Almasih nyebar maraq ambu sengẽh saq ambune dateng mbẽ-mbẽ.

¹⁵ Sẽngaq tiang pade maraq ambu sengẽh saq asalne lẽman Almasih bagi Allah lẽq tengaq-tengaq dengan saq teselametang dait saq tebinaseang, tipaq dengan saq tebinaseang nike, tiang maraq ambu menyan dengan ninggal, dait tipaq dengan saq teselametang nike, tiang niki maraq ambu sengẽh saq datengang kehidupan. Laguq sai saq sanggup ngelaksaneang tugas nike?

¹⁶ (2:15)

¹⁷ Tiang pade ndẽqne maraq luwẽq dengan saq boyaq keuntungan lẽman Manik Allah. Tujuan-tujuan tiang pade murni, sẽngaq tiang pade tetugasang siq Allah. Dait Allah mẽsaq cingakin bahwe tiang pade nyampẽang berite nike sebagẽ hambe-hambe Almasih.

2 Korintus

Video 2 Korintus 2

Ikuti Kami:

KONTAK | PARTISIPASI | DONASI