Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ui pangeh nengeletep niatku kudeng ini, ua na sikal macing nemuyuh sekua' teh pad ngesusa' niat muyuh.

² Ngaceku kudeng ui ini ngesusa' nemuyuh, idi idéké miak maré negku mawang niat, iamo' lemulun luk ui pangeh nengesusa' ineh?

³ Ui nengayud surat ineh, pad kareb ui macing ui na mesusa' niat ratnan lemulun luk megéi' maré negku mawang niat. Ngaceku ui merapet, idi kudeng ui mawang niat idi amung-amung muyuh mawang niat teh.

⁴ Ui nengayud kuan muyuh dengan mesusa' idi meberat niat, idi dengan tangi' pana'. Na ui pian ngesusa' nemuyuh, iamo' pianku muyuh kali' awaku nemuyuh.

⁵ Kudeng selemulun nengacing susa' niat kuan seburur lemulun, idi na ieh nengacing susa' niat ineh kuanku mo', iamo' kuan muyuh, kian kuan sebuang muyuh lek. Ngaceku na ui pian ngesusa' neneh.

⁶ Petap dereh kuan lemulun ineh, ngaceku ieh pangeh inukum lun mula'.

⁷ Do' muyuh maré do' kuanneh nekini, idi ngubuk neneh, pad ieh na mekarem ngaceku susa' niatneh.

⁸ Ui mutuh nemuyuh ngegala' awa muyuh neneh.

⁹ Ini punneh ui nengayud surat ineh, pad ui kali' kudeng apeh kekamen muyuh bang tutun ini, idi kudeng muyuh maya' amung-amung balaku.

¹⁰ Idé-idé lemulun luk inan muyuh maré do', ui pana' maré do' neneh teh, ngaceku anun-anun luk inanku pangeh nemaré do' ineh, (kudeng inan anun-anun luk inanku petulu maré do') idi ui pangeh nemaré do' ngaceku muyuh pa kiung Keristus,

¹¹ pad Sétan na ngelaya' netau, ngaceku tau kali' ilehneh.

¹² Kareb ui nacing déi' Troas sikal mada' Bala luk Do' ratnan Keristus, idi inan aceh tanga' inukab Tuhan kuanku.

¹³ Iamo' ui mesusa' niat, ngaceku na nepapu' kinanakku Titus ineh. Ngaceku ineh ui nemutuh do' nedeh idi ine' déi' Makedonia.

¹⁴ Iamo' ngubur Allah! Ieh megéi' nguyut nekai pekarur ngaceku tueh bang Keristus, pad kai mada' ileh ratnan Keristus iapeh-iapeh pana' mepad kudeng aceh buen luk do'.

¹⁵ Ngaceku kai mangun ku aceh buen luk do' luk barén Kristus kuan Allah, luk meperuit arang lemulun luk uen ngulun idi luk metutu' pana'.

¹⁶ Kuan lemulun luk metutu', kai mangun ku aceh buen butung luk ngaté; iamo' kuan lemulun luk uen ngulun, aceh buen luk ngulun. Idéké luk temina' kuan kekamen luk kudeng ini?

¹⁷ Kai ini baken kudeng mula' lemulun luk nakap tabpar kuan bururdeh sebuleng ratnan bala Allah, iamo' kai pebala dengan mesiri niat, mepad kudeng demulun Keristus luk icuk Allah.

2 Korintus

Video 2 Korintus 2

Ikuti Kami:

KONTAK | PARTISIPASI | DONASI