Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Wali see naka aku seore re’e mampobuuka aku tawa dayau resi komi. Apa aku taa rani yau wo’u damampakamawo raya ngkomi ewa seore.
2 Apa ane aku mampakamawo raya ngkomi aku damawo seja rayangku pei sema wo’u to damampakalindo rayangku? Apa komi semo to mampakalindo aku, pei ane komi re’e ri raya ngkamawo ndaya, bara tamo mawali komi mampolindo rayangku.
3 Wali aku rani ndende rayangku tempo rata resi komi apa manasa kojo ane aku ndende rayangku, komi seja ndende raya ngkomi samparia. Aku taa rani mawo rayangku tempo aku darata resi komi, apa to tao-tao komi mampakandende rayangku. Wali see naka aku mangantulisika komi sura seore, see tuwu-tuwuja tau to sala darapakakonoka re’e katawanya aku rata resi komi.
4 Pei tempo aku mangantulisika komi sura etu seore, tempo etu aku masusa kojo pasi mawo kojo rayangku mampobuuka komi. Pasi tongo ngkatumangingku aku mangantulisika komi sura etu. Pei naka pei aku mangantulisika komi sura etu, si’a apa rani mampakamawo raya ngkomi. Naka pei aku mangantulisika komi, see komi damangansani ewa wimba kabaenya pamporayangingku resi komi.
5 Pei mangkonong tau to mampakamawo sa’e, re’e pu’u tau to mampakamawo kita seore, etu semo tau to nangika sala ri oyo ngkomi. Wali si’a ojo aku to napakamawo ntau etu, komi seja. Pei aku taa manganto’o samparia komi to rapakamawo apa aku taa rani manganto’o anu to taa monso. Pei aku mampobuuka bara kaborosinya komi to mawo rayamu.
6 Pei tau to nangika sala etu, ia roomo nahuku ngkomi boros apa komi roomo mampaposuwu yau ia yako ri oyo ngkomi. Wali huku etu ganamo resi ia si’i-si’i.
7 Wali see naka tempo si’i ne’emo mangkitanaka salanya etu, pei pakalindo rayanya naka ne’e ia mawali ewa tau to malodong yau naika ngkamawo ndayanya to mayabi kojo.
8 Wali see naka kuporapika kojo resi komi see komi mampakanasaka pamporayang ngkomi resi ia.
9 Naka pei aku mangantulisika komi sura etu apa aku rani seja mangansani ewa wimba komi, bara rani mangalulu samparia paposia to kuto’oka komi, bara taa. Pei si’i-si’i aku kunsani komi monso pu’u mangalulu paposiangku etu, apa kunsani komi roomo mangahuku tau to sala etu.
10 Wali si’i-si’i to tao-tao komi tamo mangkitanaka salanya etu. Pasi ane komi tamo mangkitanaka salanya, aku tamo seja mangkitanaka salanya etu. Wali i Kerisitu semo matamanasa tempo aku manganto’o aku tamo mangkitanaka sala ntau etu, ane bara re’e salanya resi aku. Naka pei aku mangika ewa wetu apa aku rani mangansawang komi.
11 Apa ane kita tiroo mangkitanaka sala nu yununta, ane ewa see i Kepala nto pantipu re’e jaya manganangi kita. Apa kita tansani ewa wimba songka-songka i ngKepala nto pantipu. Wali see naka aku manganto’oka komi to tao-tao ne’emo mangkitanaka sala ntau etu.
12 Wali a’i-a’i, aku mampakapolas wo’u sarita mangkonong palaong to nawali seore, tempo aku tawa rani rata resi komi apa taa rani mampakamawo komi. Wali tempo etu aku yau njo’u kota Troas damampakarebaka kareba matao mangkonong i Kerisitu. Rata nja’u ria i Pue mangawaika aku jaya damangika palaong to etu.
13 Pei nempo ewa wetu, aku tare kalindo ndaya apa aku taa mangarata a’i ngkita to samba’a pangaya, i Titus, to ipokaungku yau resi komi. Aku rani kojo rayangku mangandonge kareba mangkonong komi, pei tare. Wali see naka aku masimang resi tau Troas etu panewa mayoko pei polas njo’u propinsi Makedonia see tuwu-tuwuja dasimparata pei i Titus nja’u ria.
14 Pei nempo taa lindo rayangku seore, aku tiroo manganto’oka i Pue Allah tarima matao. Apa Ia sangkani mangansawang kami naka pei bali mami nangi. Naka pei Ia mangansawang kami apa saba kami samba’a pei i Kerisitu. Pasi Ia mangampake kami damampakarebaka resi tau ri ponto ponto lipu kareba mangkonong i Kerisitu. Wali kareba etu raporapaka ewa anu to magaya kojo waunya.
15 (2:14)
16 Pasi ane ewa pampobuuka i mPue Allah, kami seja ewa wau to magaya to napampueka i ngKerisitu resi Ia. Apa kareba matao to kami mampakarebaka ewa wau to naepe ntau samparia. Wali ane tau to mangaya pei rapalaes, sira mangepe wau etu magaya kojo, wali sira rani mangantima, see naka sira mangarata katuwu to singkasaenya. Pei ane tau to taa rapalaes, sira mangepe wau etu mawosi ewa wau ntau mate, wali sira bo’onya mangantima, see naka sira mangarata huku to singkasaenya. Wali bae kojo batuanginya mangangkeni kareba matao etu, pei gete, i sema to nakoto mangika palaong ewa wetu?
17 Pei kami mangkoto mangika, apa i Pue Allah semo to mampokau kami. Pasi kami buya raya manganto’o anu to monso ri pangkita i mPue Allah apa kami samba’a pei i Kerisitu. Kami si’a ewa tau boros to ojo mangaliwu kasugi naka pei sira mampakarebaka Tuntu i mPue Allah.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA