Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bõrõ da'õ no uhalõ gangetula wa lõ mõi sa'ae ndra'o khõmi wolau falukhata sobusi tõdõmi.
2 Bõrõ na ubusi dõdõmi, haniha zondrara tõdõgu, na tenga niha andrõ nibusigu tõdõ?
3 Da'õ mbõrõ wa usura zura andre khõmi. Lõ omasi ndra'o ufalukhaisi ami, ba labusi dõdõgu ira niha sangomusoi'õ tõdõgu ena'õ. Bõrõ me faduhu dõdõgu wa na omuso dõdõgu ba omuso dõdõmi fefu.
4 Usura khõmi zura ba wa'abu dõdõ awõ ba wa'abua gõlõ ba oya mowõi daw̃a hõrõ. Tenga ena'õ abu dõdõmi, hiza ena'õ aboto ba dõdõmi wa fondrege wa'omasigu ami.
5 Na so fa samõsa zi tobali bõrõ wa'abu dõdõ andre, ba tenga khõgu ilau da'õ, hiza no ilau khõmi fefu ba ma si lõ'õlõ'õnia khõmi õsa. Lõ omasido abe'e sibai ba niha solau si manõ.
6 Ba niha si manõ, no tobõnõ huku nibe'emi khõnia.
7 Iada'e lõ tola lõ mi'efa'õ zalania ba mifarou dõdõmi ena'õ bõi abu sibai dõdõnia ba bõi aetu wanõtõnania.
8 Bõrõ da'õ u'andrõ, mi'oroma'õ mangawuli khõnia wa sindruhundruhu mi'omasi'õ ia.
9 Usura zura andre ba wanandraigõ ya'ami, hadia lõ mamalõ mi'o'õ wanuturugu lala khõmi.
10 Na mi'efa'õ horõ zi no mamazõkhi sala khõmi, ba u'efa'õ gõi horõ niha andrõ. Bõrõ me hadia zi no u'efa'õ -- na sindruhu so ni'efa'õ -- u'efa'õ horõ andrõ fõna Keriso si sõkhi khõmi.
11 Ulau da'õ ena'õ bõi i'oguna'õ ginõtõ andrõ Afõkha ba wamatõrõ ya'ita, bõrõ me ta'ila ni'era'era dõdõnia.
12 Me urugi Deroa ba wanuriaigõ Turia Somuso Dõdõ sanandrõsa khõ Keriso, no Ibokai lala khõgu So'aya wohalõw̃õ ba nahia andrõ.
13 Ba hiza, lõ fa'ahono dõdõgu, bõrõ me lõ falukhado dalifusõda Tito ba da'õ. Andrõ wa u'andrõ ndra'o ba niha si so ba nahia andrõ numalõdo ba Makedonia.
14 Ma'andrõ saohagõlõ khõ Lowalangi, me lõ mamalõ I'ohe ndra'aga wefao bakha ba wa'omuso dõdõ ba wa'amõna Keriso. I'oguna'õ ndra'aga Lowalangi ena'õ teboloso duria sanandrõsa khõ Keriso hulõ zamohua sangoroma'õ huania gofu heza.
15 Hulõ gumõyõ samohua ndra'aga, nitunu Keriso khõ Lowalangi. Ba niha saekhu ba wa'atekiko, hulõ hua wa'amate ndra'aga samunu niha; ba hiza ba niha ni'orifi, hulõ zamohua solohe fa'auri ndra'aga. Lau, haniha zi tola mamõnui halõw̃õ andre?
16 (2:15)
17 Tenga si mane sato bõ'õ ndra'aga sombali'õ amawaõ duria soroi Lowalangi andrõ. Satulõ gohitõ dõdõma, bõrõ nibe'e Lowalangi halõw̃õma. Ba I'ila gõi Lowalangi wa mafa'ema duria andrõ si mane sawuyu Keriso.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA