Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Si fõfõna, u'andrõ sibai ena'õ angandrõw̃a, fangandrõ, ba fangandrõ salahi si fao fangandrõ saohagõlõ mufa'ema khõ Lowalangi salahi niha fefu;

² fangandrõ salahi razo ba fefu lolohe famatõrõ. Mi'andrõ ena'õ tola falukha ita wa'ahono ba fa'ohahau dõdõ ba khõ Lowalangi si fao amuata si sõkhi.

³ Da'õ zi sõkhi zomasi Lowalangi Sangorifi ya'ita.

⁴ Omasi Ia na te'orifi fefu niha, ba aboto ba dõdõra zindruhu.

⁵ Me ha samõsa Lowalangi, ba ha samõsa zangiaigõ otalua Lowalangi niha, ya'ia Yesu Keriso.

⁶ No Itehegõ mboto-Nia ba wangefa'õ fefu niha moroi ba horõra. Ba da'õ, ba ginõtõ si faudu sibai Iforoma'õ Lowalangi, wa omasi Ia te'orifi fefu niha.

⁷ Ba da'õ mbõrõ wa tefatenge ndra'o ba niha si tenga Yahudi ba wangombakha khõra turia wamati Niha Keriso sindruhu. No sindruhu niw̃a'õgu andre, lõ ulau waya.

⁸ Ba gofu heza, ena'õ mangandrõ ndra matua khõ Lowalangi si fao tõdõ si lõ sinegu, si lõ fõnu ba fa'udusa.

⁹ Omasido gõi ena'õ lahaogõ mbotora ira alawe ba lafaigi zinangeania na lafake nukha soadu. Bõi lahaogõ khõra mbu si fatuwu ba hõrõ, ba ma famake gamagama ana'a ba ma manimani, ba ma nukha sebua bõli.

¹⁰ Ya muhaogõ mbotonia ira alawe faoma buabua si sõkhi molo'õ sinangeania ba ndra alawe sangata'ufi Lowalangi.

¹¹ Ya sahono ndra alawe ba wamahaõ andrõ si fao folo'õ.

¹² Lõ utehe ba ndra alawe mamahaõ awõ wamatõrõ ira matua; lõ tola lõ sahono ba tebai muhede ira.

¹³ No Adamo zi fõfõna tefazõkhi, ba awena Khawa.

¹⁴ No ira alawe zi telimo, ba tenga Adamo, irege isawõ goroisa Lowalangi.

¹⁵ Ba hew̃a'ae si manõ, ni'orifi sa ndra alawe andrõ wadono, asala mamati ia khõ Keriso si fao fangidengide'õ, awõ wa lõ mamalõ la'omasi'õ niha bõ'õ, ba la'oniagõ wa'aurira khõ Lowalangi.

1 Timotius

Video 1 Timotius 2

Ikuti Kami:

KONTAK | PARTISIPASI | DONASI