Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Na'a in totok po'igumonku: Aka mo'ikow mo'ibadah bo mopo'igum in diaí bo mopoyaput in sukur ko'i Allah, yo dika koliongan im bayongan intau, sambayangaibií komintan im mosia;
2 bo sambayangai doman in raja mita bo intau mita inta inogoian ing kawasa momarentah simbaí moaíman bo motompia ing kobiagan naton kon tayowon i Allah inta umuran mogaid kon inta mopia.
3 Sin natuabií im mopia bo kino ibog i Allah inta mopoposaḷamat naton.
4 Ki Allah inta mo'ibog baí bayongan intau posaḷamaton bo monota'au kon onu inta mo'itutui.
5 Sin tongaíbií totobatuí ing ki Allah bo tongaíbií doman tobatuí im mononigad kon intau bo ko'i Allah, Sia tuata ing ki Kristus Yesus.
6 Sia in tobatuí intau inta ain noposarakan in awak-Nya sim pinotobus kon dosa mita im bayongan intau. Tua im mopoyata kon wakutu inta ain sinantuí i Allah, ibogon-Nya bayongan intau posaḷamaton.
7 Daí tuamai aku'oi pinotabaí-Nya mayak kon yuaí-yuaík in intau mita inta de'eman Yahudi sim mopoyaput in habar mopia inta mobanar nongkon i Allah. Onu inta pinogumanku na'a, totu'ubií, de'emanbií uboḷ.
8 Ibogonku kon ondakabií, yo bayongan ḷoḷaki musti mosambayang takin gina motulid, diaí in yogenggeng ande bobayowan.
9 Naí doman tua im bobay dona'ai po'iliuon im pomomakeang, pakeí in ḷambung inta moto-inut in ontongon intau, bo inta diaí moko'oyak. Bu'ok dona'ai yagi-yagionmai, dona'ai mopomakeí im buḷawan, mutiara andeka ḷambung inta mongomahaḷ.
10 Ta'e hiasaibií in oaíid mita inta mopia, inta patus kom bobay mita inta mo'o'ibadah ko'i Allah.
11 Bobay musti mobalajar diaí mo'unsingog bo motoindudui.
12 Diaíbií ogoiku im bobay motunduí andeka momarentah kon ḷoḷaki, musti i mosia kibio-bioímai.
13 Sing ki Adambií im muna pinomia i Allah bain tua bodongka ki Hawa.
14 Bo de'emanbií ki Adam ing kino akaḷan, ta'e bobaybií tatua, sahingga mosia nomaḷawangdon kom parentah i Allah.
15 Ta'e umpakah natua, bobay im posaḷamatonbií doman, sim mosia mobogoi ing katurunan. Asaḷ sia mokopo'ompaí kon dodia bo mokopotantuí doman kom pirisaya ko'i Kristus bo umuran ko totabian kon tumpaḷa intau, bo moposarakan doman ing kobiagannya ko'i Allah.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA