Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Perlebe kukataken gelah isehkenndu sapaat, pemindon, pertoton ras pengataken bujur man Dibata guna kerina manusia;
2 guna raja-raja ras kerina si erkuasa, gelah banci kita nggeluh senang dingen dame, erkemalangen man Dibata alu lagu langkah si payo.
3 Enda me si mehuli dingen si ngena ate Dibata, Si Ngkelini kita,
4 si ersura-sura gelah kerina manusia selamat dingen meteh kai si tuhu-tuhu.
5 Sabap sada ngenca Dibata janah sada ka ngenca kelang-kelang si mpersadaken Dibata ras manusia, e me manusia Jesus Kristus.
6 Jesus Kristus e nggo ngasamken KesahNa guna nebusi kerina manusia i bas dosa-dosana nari. Enda jadi sada bukti maka i bas paksa si nggo itetapken Dibata, Ia ersura-sura gelah kerina manusia iselamatken.
7 Janah erdandanken si enda me maka aku jadi rasul dingen guru nandangi bangsa si labo kalak Jahudi, guna meritaken kerna kiniteken man Jesus Kristus. Si kukataken enda tuhu nge, labo aku erbual.
8 Sura-surangku gelah kerina dilaki amin i japa pe ertoto min man Dibata. Kerina min patuh man Dibata janah ertoto ngelipat tanna alu la lit i bas ia ate nembeh ras perubaten.
9 Bage pe si diberu, mehamat dingen mehuli min peruisna. Potongen bukna sederhana saja; ula make perhiasen emas ntah mutiara ntah paken-paken si meherga.
10 Tapi cidahkenlah perbahanen si mehuli, si sentudu ras sekalak diberu si ngaku maka ia nembah man Dibata.
11 Diberu arus erlajar alu megi-megi saja, ula njabapi.
12 La ateku senang diberu ngajar ntah pe erkuasa nandangi dilaki. Ia arus sinik-sinik saja.
13 Sabap Adam nge lebe ijadiken Dibata, emaka Hawa.
14 Janah labo Adam si kena tipu, tapi diberu e nge, janah ia nge si ngelanggar pedah Dibata.
15 Tapi sekalak diberu selamat nge arah ia mupus, adi tutus atena erkiniteken, erkeleng ate dingen nggeluh badia janah mehamat.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA