Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Timotius, bije tiang saq sah lẽq dalem iman! Surat niki lẽman tiang, Paulus, rasul Deside Isa Almasih siq prẽntah Allah, Juruselamette dait siq prẽntah Deside Isa Almasih, saq jari harepante. Allah Bapa dait Deside Isa Almasih Junjungante Saq Mulie ngicanin side berkah, rahmat dait damẽ sejahtere.

² (1:1)

³ Tiang melẽt adẽq side tetep ndot lẽq Epesus maraq saq sampun tiang tegesang lẽq side sewaktu tiang lalo ojok Makedonia. Sẽngaq, lẽq Epesus araq pire dengan saq nyebarang pengajahan saq ndẽq kenaq, dait side harus balaq ie pade.

⁴ Badaq ie pade adẽqne ndaq malik ngerẽpotang diriq siq dongẽng-dongẽng dait cerite-cerite asal-usul saq ndẽq araq tutuqne. Selapuqne nike cume nimbulang masalah doang, dait ndẽqne jauq dengan idup tertib lẽq dalem iman lẽq arepan Allah.

⁵ Tujuan nasẽhat tiang nike adẽq dengan bau ngasihin siq atẽ saq suci, dait atẽ nurani saq murni serte lẽman iman saq tulus ihlas.

⁶ Araq separo dengan saq sampun ndẽq idup maraq nike malik, dait sesat siq ucapan-ucapan saq ndẽq araq manpaatne.

⁷ Ie pade mẽlẽ jari guru Hukum Taurat, nike hukum saq tetulis lẽq dalem Kitab Suci Taurat, padahal ie mẽsaq ndẽqne paham mengenai hal-hal saq ie pade ucapang atao hal-hal saq utame saq secare yakin ie pade sampẽang.

⁸ Ite nenaoq bahwe Hukum Taurat nike bagus, lamun tekadu maraq berembẽ sepatutne.

⁹ Harus teinget bahwe Hukum Taurat ndẽqne tepiaq jari dengan-dengan saq kenaq, laguq jari dengan-dengan durhake, dengan-dengan saq ndẽq adil, dengan saq ndẽq kenal Tuhan, jari dengan saq bedose, dengan-dengan saq mentingang dunie, dengan-dengan saq ndẽq bedowẽ agame, dait jari dengan saq nyematẽq amaq atao inaqne, jari selapuq tukang nyematẽq,

¹⁰ jari dengan-dengan saq cabul, saq gawẽq perbuatan saq cabul kance sepade jenisne, penculik, penduste, dengan saq besumpah palsu, dait selapuq hal-hal lain saq betentangan kance pengajahan saq kenaq,

¹¹ saq tedasarang lẽman Kabar Solah saq mulie lẽman Allah Saq Tepuji, saq penyebaranne tepercayeang lẽq tiang.

¹² Tiang besyukur lẽq Deside Isa Almasih Junjungante Saq Mulie. Ie sampun ngicanin tiang kekuatan jari pelayan-Ne, dait saq nganggep tiang patut ngelaksaneang pelayanan nike,

¹³ timaq laẽq tiang pitnah dait nganiaye dait menghine Ie. Laguq Allah periak lẽq tiang, sẽngaq lẽq waktu nike tiang ndẽqman percaye, jari tiang ndẽq taoq napi saq tiang laksaneang.

¹⁴ Dait malahan rahmat secare melimpah teicanin tipaq tiang siq iman dait kasih lẽq dalem Deside Isa Almasih.

¹⁵ Setetune kenaq ucapan niki -- keranaq nike harus teterimaq dait tepercaye sepenoqne --: "Deside Isa Almasih rauh ojok dunie niki jari nyelametang dengan bedose." Dait tiang dengan saq paling bedose.

¹⁶ Laguq lantaran hal nike malahan Allah periak lẽq tiang, adẽq Deside Isa Almasih bau nyatayang selapuq kesabaran-Ne tipaq tiang, dengan saq paling bedose niki. Dait niki jari sopoq conto tipaq selapuq dengan saq ẽraq gen percaye lẽq Ie dait mauq idup saq kekel.

¹⁷ Allah, Raje selapuq jaman, patut tehormatin dait tepuji selaẽq-laẽqne, sẽngaq Ie saq kekel, saq ndẽq penggitan dait saq Esa! Amin.

¹⁸ Timotius, bije tiang! Tugas niki tiang percayeang tipaq side sesuai kance napi saq sampun tenubuatang mengenai diriqde, adẽq teteguqang siq nubuat nike side bejuang lẽq dalem perjuangan saq solah siq iman dait atẽ nurani saq murni.

¹⁹ Pire dengan sampun nolaq atẽ nuranine saq murni nike, dait lantaran nike iman ie pade jari mandek,

²⁰ lẽq antarene Himenus dait Aleksander, saq sampun tiang serahang tipaq Belis adẽq ie pade berajah engkah menghine.

1 Timotius

Video 1 Timotius 1

Ikuti Kami:

KONTAK | PARTISIPASI | DONASI