Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 I Timotius, kai anạku tutune su ral᷊ungu Mawu! Suratẹ̌ ini e kai wọu iạ, i Paulus, darolohang i Kristus Yesus e kahiạen parentan Duata e Mananal᷊amat'i kitẹ e ringangu kahiạen parentang Kristus Yesus, pělaharapeng i kitẹ. Karimạko al᷊amatẹ̌, tatal᷊ěntụ dingangu karal᷊unsemahẹ̌ bọu Ruata i Amang dingangu i Yesus Kristus Mawung kitẹ maněntanudẹ̌ si kamene.
2 (1:1)
3 Iạ e kai mapulu tadeạu i kau e tatapẹ̌be mẹ̌tẹ̌tanạ su Efesus kerẹewe seng bọu takụ itẹ̌tal᷊umbaghẹ si kau nạung piạ iạ nakoạ sol᷊ong Makedonia. Batụu su Efesus kai piạ pira-pirang katau měmpěnẹ̌nawuh'u těntiro tawẹ katul᷊ide, kụ i kau e harusẹ̌be pěmpẹ̌sěding i sire.
4 Paul᷊ikeko i sire u kumbahang i sire měngkai měnẹ̌naungu apan bio ringangu kal᷊awọu manga wẹ̌keng asal᷊ẹ̌ tạ pangěnsueěnge. Kěbị-kěbị ene kětạeweng makạdiadin pẹ̌sasitori ringangu tawẹ humpạe waugu mapakateing hingidu Ruata kụ kětạeng kinakiral᷊a kinahian pangangimang.
5 Timonan sasasaku ene ute kai waugu mapạsẹ̌bangu kakěndagẹ̌ siměpụ bọu ral᷊ungu naung burẹ̌si ringangu kasingkạ u naung susi ringangu pangangimang tutune, kụ ual᷊ingu ene i sire makạkěndag'u sěndinganenge.
6 Piạ taumata sěnggạ seng němpělenga wọu ral᷊eng ene, dingangu něngkapal᷊idẹ̌ su ral᷊ungu pẹ̌dararendehẹ̌ tạ kěhase.
7 I sire mapulu makoạ mananěntiro agama, sěmbal᷊iau i sire hala tawe makal᷊ahěngang apang iwẹ̌beran sire ringangu kal᷊awọu apan tẹ̌tahutěngareng i sire.
8 I kitẹ e masingkạ u atorangu agama e kai mapia, kereu ipẹ̌pakẹbe ipẹ̌tatal᷊ahinong kakakoạ e.
9 Nal᷊ahẹu harusẹ̌be pẹ̌tahěndung u toratẹ̌ e kai nikoạ bal᷊inewe waugu taumata mapapia e, kaiso kai waugu taumata ta měndarekengu toratẹ̌, taumata raral᷊aị, taumata wẹ̌gan Mawu Ruata, taumata warạdosa tawẹ agamane, taumata kapulune mạdunia, tahapěmate si amange arau si ninange, arau tahapate kěbị e,
10 su mawawuang, tahapẹ̌koạ katatelorẹ̌ esẹ dingangu esẹ, bawine ringangu wawine, měnanangehẹ̌, kakontiang, mase manga sahidi konti, ringangu i sai-saịewen mẹ̌kẹ̌koạ balạewe apan ta mẹ̌tatal᷊ahinon těntirong katul᷊idẹ̌.
11 Tatěntiro ene kaẹ̌bakeng su Injilẹ̌ ipakịsawuhẹ̌ si siạ e, ute kai Injil'u Mawu Kasěllahenge mawantugẹ̌ dingangu hinon daloěng.
12 Iạ e makitarimakasẹ si Kristus Yesus Mawung kitẹ seng něgěllịu kuatẹ̌ si siạ baugu ipẹ̌tangkiang si Sie ringangu piạ u nangěnnau iạ e kai kapangumbalaěng su hal᷊ẹ̌ ene,
13 sěmbal᷊iau iạ e nạung kai taumata tahapěhodatẹ̌ dingangu tahapanumbiagẹ̌ dingangu tahapẹ̌tingkaị si Sie. Kaiho iạ e mang nital᷊ěntụ u Mawu Kasěllahenge watụ u su tempo ene iạ e wẹ̌dang ta nangimang, kụ iạ bědangben bẹ̌ga měnsang apa takụ koateng.
14 Kai ral᷊iune iạ kawe nipẹ̌dal᷊embon tatal᷊ěntụ u Mawung kitẹ. I Sie něngonggọu katoghasẹ̌ si siạ baugu mangimang si Sie ringangu kuměndagu sěndinganeng taumata. Katoghasẹ̌ ene nionggọ si kitẹ kěbị apan seng nasěmbaụ dingangi Kristus Yesus.
15 Mamben těngadẹ̌ bawera ini -- hakịu ene sembeng hinong itarimạ dingangu kahěnga-hěngang -- "I Kristus Yesus diměnta su dunia ini e měngambang apan taumata warạdosa." Kụ iạ e taumata warạdosa karal᷊akisange.
16 Kaiho kawe waugu ene hakịu Ruata e kiměndagu iạ e tadeạu i Kristus Yesus makapělahẹu kasěllahu pẹ̌sasabare si siạ, taumata kawaradosaěnge ini. Dingangu ini e nakoạ sěmbaụ kakakěllaěng baugu patikụ taumata kụ sarung mangimang si Sie ringangu makahombang pẹ̌bawiahẹ̌ tutune ringangu kakalẹ̌.
17 Mawu Ruata Datung patikụ tempo e hinong pẹ̌subaěng dingangu raloěng sěntiniạ tempo, u kai i Sie kụ kakalẹ̌ dingangu ta ikasilo ringangu man sěmbaụ! Aming.
18 Timotius anạku! Hal᷊ẹ̌ ini takụ iumbala si kau, kereu mẹ̌tahěndung hengetangu Mawu Ruata piněhengetangu manga nabi e su jamaatẹ̌ mạanum batangengu. Karimạko hengetang ene makoạ sinasạu su ral᷊ungu pẹ̌tatohạ u pěmamunaranu e mapia.
19 Pẹ̌tohạe kụ pẹ̌tumpaede su pangangimang kahěngang dingangu lai kasingkạu ral᷊ungu naung burẹ̌si. Piạkon sěnggạ e kai tawẹ agise su kasingkạu naunge wurẹ̌si hakịu pangangimangkewen sire e kai něngkahědạ.
20 Bọu tal᷊oaran sire e kai i Himeneus dingangu i Aleksander. I rẹ̌dua e kai seng takụ nisarakang su setang, tadeạu i sire měnětạ mangěndung měngědo měhodatẹ̌ Mawu Ruata.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA