Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Pangabisannya ule utat mita, na'a im po'igumon nami takin tonggina ko'i monimu inta pinodoyon kong kawasa i Tuhan Yesus: "Sinunduídon bo ain inontong monimu ko'inami naíonda ing kobobiag podudui kon inta mokosanang kong gina i Allah. Mo'ikow in nobiag bidon natua, ta'e tana'a pinodoyon kong kawasa i Yesus, kami mopo'igum totok ko'i monimu bo moki ramiji simbaí totu-totu'udon mo'ikow mogaid kon tua komintan.
2 Sing kinota'auan bidon monimu in totunduí mita inta pinota'au nami ko'i monimu pinodudui ing kawasa i Tuhan Yesus.
3 Nana'a ing kino ibog i Allah: Ibogon-Nya mo'ikow mobiag tongaíbií kom bonu ing kawasa-Nya; mobiag modarit kom bayongan yagi-yagi bo yumayuk kon oaíid mita mokotor bo inta diaí mopia.
4 Pomuḷoi in ḷoḷaki kon sigad monimu musti monota'au kon naonda im mobiag mokosanang kong gina i Tuhan bo gina im bayongan intau takin i buḷoinya.
5 Dona'aibií dumudui kon ibog awak im batangan naí oaíid in intau mita diaí nonota'au ko'i Allah.
6 Tuamai musti mokopo'ingat, simbaí diaí tobatuímai intau mogaid kon inta diaí mopia ko'i utatnya, andeka monguboḷ ko'i utat sin tuliíanbií i Tuhan im boyongan tua, naí inta aim pinota'au bo pinonorop nami ko'i monimu kolipod.
7 Inoinií i Allah ing kita, de'emanbií mogaid kon inta mora'at, ta'e mogaidbií kon onu inta mokosanang kong gina-Nya.
8 Tuamai ki ine in doií motarima kon singogku, yo de'emanbií intau im bayowannya, ta'e ki Allahbií inta ain nobogoi in Roho-Nya mokudus ko'i monimu im bayowannya.
9 Diaíbií bain paisonpa bui nami ko'i monimu in tabi monimu kon utat mita inta tumpaḷa mopirisaya ko'i Kristus Sinunduí bidon i Allah im mo'ikow kom musti mototabian.
10 Bo tua komintan aindon pino'ontong monimu kom bayongan utat inta kom Makedonia. Ta'e tantuíbií tonggina'an nami im mo'ikow simbaí modugang motompia ing kobobiag monimu.
11 Poramiji baí tantuí mo'onow ing gina bo dika umuran kumapog kon urusan intau ibanea. Manikah bo potayak kong kobiagan monimu tontanií, naí inta aim pinoguman nami kolipod ko'i monimu.
12 Sahingga im mo'ikow mobiagdon motoḷutui kon tayowon intau mita ibanea, bo diaí tongaí moharap makow kon intau ibanea.
13 Utatku mita, ibogon nami baí totu-totu'udon kota'auan monimu in soaáḷ intau mita inta aim minatoi; simbaí diaí moaíjar ing gina monimu naí mosia inta diaí kopongharapan.
14 Kita im mopirisaya kong ki Yesus aim minatoi, ta'e nobiag bui. Tuamai kita mopirisaya doman, kom biagonbií bui i Allah im bayongan intau inta mopirisaya ko'i Yesus Kristus inta aim minatoi bo mosia mobiag moyotakin-Nya.
15 Kon soaáḷ tatua, nana'a im pinoguman i Tuhan inta musti poyaput nami ko'i monimu: "Kowakutu ing ki Tuhan Yesus mamangoidon bui kita inta nobiagpa in diaíbií umuna ko'i monia inta minatoidon muna.
16 Bambií itoi im malaekat mobaḷuí bo terompet i Allah irupondon saḷaku tolibag, bain tua bo mamangoi ing ki Tuhan Yesus nongkon soroga. Bo intau mita inta mopirisaya ko'i-Nia inta aim minatoi biagondon muna.
17 Mopaḷut makow kon tua kita inta nobiagpa na'a, bingkatondon moyotakin monia mamonik in ḷangit moyodungkuḷ i Tuhan. Bain kon tuata bo mogutundon ing kita takin i Tuhan.
18 Tuamai pakeídon in singog tana'a kom mosirigonan kong gina in tumpaḷa utat.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA