Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Nongonu sin oyuíonbií ing kon sigad monimu im mobarani mayak kon hakim inta diaí nonota'au ko'i Allah, bo mopongadu ko'i utat monimu inta notobatuí kom pirisaya, aka moyogenggeng i utatnya tatua? Nongonu sin diaíbií mayak kon intau inta mopirisaya ko'i Allah bo paḷuton im porkara tatua?
2 Andeka degaí diaíbií kinota'auan monimu kon intaubií inta mopirisaya ko'i Allah im mohakim kom bayongan intau kon dunia na'a? Da' aka mo'ikow bo mota'au mohakim kon dunia na'a, yo nongonu sin diaíbií paḷuton monimu im porkara mita pongadilan inta diaí im mangalenya tua?
3 Andeka degaí diaí kinota'auan monimu kong kita na'a im mohakimbií kom malaekat mita? Apapa doman bo tongaí porkara inta mobalií pomuḷoi in singgai tua!
4 Daí aka momukaí im porkara mita natua, umpakah yo pongaduon doman monimu kon intau mita inta diaí nonota'au kon yagi-yagi kom bonu in jama'at?
5 Totok moko'oyak ule! Umpakah yo beresidon diaí intau mobijaksana kon sigad monimu inta mota'au mopoyotutui in soaáḷ inta tongaí natua mita inta mobalií kon sigad monimu intau ing Keresten!
6 Nongonubií sin aka oyuíon in yogenggeng kon sigad monimu intau ing Keresten, yo baya'anbií monimu pongaduon kon intau inta de'eman Keresten!
7 Na'aibií in tongaí soaáḷ mopongadu im porkara kon intau inta de'eman Keresten; sedangkan kon sigad monimu bo momukaí in yogenggeng, yo mangalenya kon tua in tobatuí bidon kelemahan monimu. Sim manikah bo tomboga'an andeka porugion in tumpaḷa intau.
8 Ta'e na'aibií mo'ikow im monombogaí kon intau ibanea. Mo'ikowbií im mokorugi ko'i monia. Bo lebe totok diaí mopia sin intau inta ain notobatuí kom pirisaya pinopoaíidan doman monimu!
9 Diaíbií kota'auan monimu kon intau mita inta diaí motoindudui ko'i Allah diaíbií mobalií umat i Allah? Dika koaíkaḷan! Sim bayongan intau inta mogaidmai kom mokotor, bayongan intau inta umuran dumudui kom parentah im berhala, monualing bo mokitualing, inta mo'ibog kom tumpaḷa ḷoḷaki ande tumpaḷa bobay,
10 mononakow, motama'a, inta mo'ibo-ibog monginum kon inta mokoḷoḷangu, inta mo'ibog moporomuímai kon tangoi intau, bo inta tongaí moharap makow kon totayak in intau ibanea -- mosia tua in diaíbií mota'au mobalií umat i Allah.
11 Kolipod oyuíon ing kon sigad monimu in umuran mogaid kon natua mita. Ta'e tana'a ponyatadon kon nodaritdon im mo'ikow nongkon bayongan oaíid inta diaí mopia. Mo'ikow nobaliídon umat i Allah inta pinilií-Nya. Mo'ikow buidon noyobayat i Allah, sin nopirisayadon ko'i Tuhan Yesus Kristus bo lantaran kawasa doman in Roho inta nongkon i Allah naton.
12 Oyuíon im mosingog kom bayongan intau mota'aubií mogaid kon onukadon. Tongaí aka ko'inakoí, tua mita diaíbií komintan baraguna. Sin umpakah mota'au mogaid aku'oi kon onukadon, ta'e aku'oi in doiíbií mobalií ki ata in onu inta aidanku tua.
13 Oyuíon doman in nosingog kong ka'anon tua im pinobonubií kon sian, sin sianbií in sinantuí tampatnya. Ta'e sian bo ka'anon tumpaḷabií diaí baraguna ko'i Allah. Tuamai pakeíbií in awakmu mogaid kon onu inta kino ibog i Tuhan, de'emanbií mogaid kon inta kinodoií-Nya sahingga umuran-Nyabií ḷukadan in awakmu.
14 Sing ki Allah inta nomiag ko'i Tuhan Yesus nongkon kinopatoian-Nya. Siabií doman tua im momiag ko'i naton takin kawasa-Nya.
15 Kinota'auan bidon monimu ule utatku mita, kon awak monimu nion in notobatuíbií i Kristus. Daí umpakah yo mata'au gama'an in tobonsig bo pakeíon mogaid kon inta diaí mopia. Tantuí diaíbií mota'au!
16 Ande degaí diaípa kinota'auan monimu kon aka intau bo nosiugdon noyotakin in tobatuí bobay monakaḷ, yo intau tatua in notobatuíbií domandon takin bobay tatua! Sing kom Buk Mosuci aim pinais nana'a, "Taya dua notobatuídon."
17 Ta'e intau inta mo'ibog motobatuí i Tuhan, tantuí rohonya notobatuíbií doman in Roho i Tuhan.
18 Manangka intua poyayukdon oaíid mita inta diaí mopia. Sim bayongan oaíid diaí mopia inta inaidan intau tatua ing komintanbií nobalií kon ḷuai in awak intau. Ta'e intau inta umuran mogaid kon inta diaí mopia kon intau ibanea, tua in naí bií doman onda bo nopoaíid in diaí mopia kon awaknya tontanií.
19 Mustibií kota'aun monimu, kon awak monimu nion tampatbií in Roho i Allah. Roho i Allah tua in nogutunbií makow kon awak monimu. Awak monimu nion in de'emanbií mo'ikow ing kitogi, ta'e ki Allahbií ing kitogi.
20 Sim mo'ikow nion in sinaḷui bidon i Allah, bo nodait-Nya bidon inubolian. Tuamai umurandon pakeí kopira'an sahingga ing ki Allah pomulia'an.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA