Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kudeng idé lemulun rat arang muyuh inan adu' nelun manu, ngudehké ieh amé' besara' pa kiung lun luk na manu, idi baken pa kiung lun manu?
2 Naké muyuh kali' idi tana' ini miak kumin lun manu? Idi kudeng tana' ini kumin muyuh, naké muyuh miak mutut besara' luk isuut ineh?
3 Naké muyuh kali' idi tau miak ngukum melaikat? Meluun teh, besara' ratnan ulun tana' ini!
4 Kudeng muyuh inan besara' luk kudeng ineh, miakké muyuh ngecuk lemulun luk baken lun sidang mutut besara' muyuh ineh?
5 Ui mala ini pad muyuh kali' migu'. Naké seburur rat arang muyuh luk mileh, luk miak mutut besara' arang kinanak-kinanakneh?
6 Iamo' muyuh nima' kinanak amé' besara' denan kinanak baken, meluun teh pa kiung lun luk na manu.
7 Setuneh kedaluh ini arang muyuh ngegala' laya' muyuh. Naké meluun do' muyuh tuman ratnan dereh idi buyok?
8 Iamo' muyuh sebuleng nganau' sala' idi muyok, meluun teh pa kiung kinanak-kinanak muyuh pana'!
9 Naké muyuh kali' idi lemulun luk na matu na miak ngalap Imet Allah? Aleg muyuh uen ngeraruh. Lun mesawa', lun sembayang inan akang, lun pasét, deléi dengan deléi luk nganau' kekamen luk dat,
10 lun mano, lun luk melili, lun mabuk, lun luk ngedat, idi lun muyok — na miak ngalap babpat bang Imet Allah!
11 Kudeng ineh teh ulun sebuang muyuh atun, iamo' muyuh pangeh biru' ratnan sala', muyuh pangeh linigan kuan Allah, muyuh pangeh inau' matu pa kiung Allah bang ngadan Tuhan Yésus Keristus idi bang Roh Allah tau.
12 Inan luk pebala, "Ui miak nganau' anun-anun luk pianku." Matu! Iamo' baken amung ineh inan ulek kuanmu. Ui pana' miak pebala, "Ui miak nganau' anun-anun luk pianku." Iamo' ui ini na sikal mangun ku demulun anun-anun pana'.
13 Inan teh luk pebala, "Akan ineh kuan batek, idi batek ineh kuan akan." Matu! Iamo' dueh-duehneh ineh miak uen Allah ngusag. Iamo' burur ineh baken kuan pasét, iamo' kuan Tuhan, idi Tuhan ineh kuan burur.
14 Allah pangeh nenui Tuhan ineh ratnan até, idi sikal nui netau teh dengan laludNeh.
15 Muyuh kali' idi burur muyuh ini babpat Keristus. Miakké ui ngalap aceh babpat Keristus ineh idi nganau' neneh ku babpat decur luk mesawa'? Na tu-tu!
16 Naké muyuh kali' idi luk pamung nan decur luk mesawa' mangun ku sebuleng burur denganneh? Ngaceku kebala Tuhan, "Idi didueh ineh miak mangun ku sebuleng burur."
17 Iamo' lemulun luk perurum dengan Tuhan mangun ku sebuleng roh denganNeh.
18 Ngado burur muyuh ratnan pasét! Anid-anid sala' baken luk inau' lemulun, ieh ineh baken ratnan bururneh. Iamo' lemulun luk pasét ineh, ieh ineh mesala' kuan bururneh sebuleng.
19 Naké muyuh kali' idi burur muyuh ineh ruma' Roh Meligan luk tudo bang nemuyuh, luk muyuh pangeh nengalap ratnan Allah? Burur muyuh ineh baken muyuh kuan.
20 Muyuh pangeh bilih dengan raga luk mikat. Ngaceku ineh do' muyuh ngerayeh Allah dengan burur muyuh.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA