Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Wali ponto-ponto lipu rapakarebaka mangkonong palaong to mawali ri oyo ngkomi, kareba etu manganto’o re’e tau to masala. Pasi palaong to mawali etu mapari kojo apa sakowa tau to taa mangaya i Pue sira taa mangika. Pei re’e ri oyo ngkomi to mamporouka indo wokunya.
2 Pei nempo ewa wetu kaja’anya lengko ntau ri oyo ngkomi, pei komi tiroo mangei. To tao-tao komi mawo kojo raya ngkomi mangkita palaong to etu pasi to taotao paposuwu tau etu yako ri oyo ngkomi.
3 Ane aku, nempo longko yako resi komi, pei rayangku re’e sindara-ndara pei komi si’i-si’i. Pasi aku room nawaika i mPue Yesu kuasa, wali yako ri kuasa etu aku roomo mangabotus mangkonong palaong to daraika resi tau to masala. Wali kamonsonya komi to Korintus semo to damampakaroo palaong etu, pei tempo komi siromu, rayangku re’e sindara-ndara pei komi pasi komi re’e seja kuasa to yako resi i Pue Yesu mangansawang komi. Wali yako ri kuasa etu semo
4 (5:3)
5 naka pei paposuwu tau etu yako ri oyo ngkomi, pei waika yau ia resi Kepala Measa danasesai koronya sampe rata temponya ia mangansani taa matao ane mangaluluka yau pampobuukanya to masae. Apa ane ia tamo mangaluluka yau pampobuukanya to masae etu, ane ewa see toniinya maya rapalaes yako ri kuasa nu pampobuuka to etu ane ratamo temponya i Pue Yesu dama’i wo’u.
6 Wali tempo si’i re’ewa tau to masala etu ri oyo ngkomi, pei komi tiroo tabaro. Gete, taa masipato ewa wetu. Ne’e kalingan ane rapanya roti. Nempo kodi kojo raginya rapake, bae roti etu damone. Wali dosa sewaju ewa ragi etu apa nempo ojo samba’a tau to mangika dosa, ane ojo rabiaka taa masae malagi wo’u tau to mangika seja.
7 Wali ewa naika nto Yahudi ri tempo Roa Paskah, sira mangantaji yau samparia ragi yako ri banua nsira. Wali ewa see seja komi taa maya taa mangantaji yau dosa yako ri oyo ngkomi. Apa kamonsonya komi ewa roti to taa nja’u ragi nja’u rayanya, apa i Kerisitu room mawali ewa domba to rasimbale ri tempo Roa Paskah. Ia roomo rapopate yau mangalapa kita yako ri kuasa nu dosa.
8 Wali ane ewa see, anu kita mangantaji yau lengko to masae, etu semo lengko to maja’a pasi madosa. Pei ri raya ngkatuwu ngkita mangalulu i Pue, anu kita mangika lengko ngkatuwu to taa maya rapakasala pasi to maya rasarumaka.
9 Wali ri raya nsura to kutulisika komi aku manganto’oka komi ne’e mampogalungika tau to sangkani masala pasi to magoyal.
10 Pei si’a batuangingnya taa matao mampogalungika tau to taa mangaya to masala pasi to magoyal, pasi to bamporomung, to manipu pasi to mampue tau-tau. Apa ane pasiwa tau to taa mangaya to komi taa maya mampogalungika, taa kojo mawali apa juku ri lino si’i re’e tau to ewa wetu. Wali gete, tare jaya mampakalongko yako resi sira kasimbalinya yako mampiyaika lino si’i!
11 Pei batuanginya to kutulis etu semo ne’e mampogalungika tau to rato’oka pua’i to samba’a pangaya ane ia sangkani masala bara magoyal, bara bamporomung, bara mampoja’a sa’e, banginu bara banipu. Ane tau to mangaya to sangkani mangika palaong to ewa wetu, sakowa mangkoni ne’e sindara-ndara pei ia.
12 Pei ane tau to taa mangaya, taa masipato aku mangabotus sira. I Pue Allah semo to mangabotus sira. Pei ane pua’i ngkomi to samba’a pangaya, komi semo mangabotus. Wali palaong etu singkonong pei anu to ratulis ri raya ntuntu i mPue to manganto’o, “Paposuwu yau tau maja’a yako ri oyo ngkomi.”
13 (5:12)
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA