Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Matu inan bala rat arang muyuh inan pasét, idi sebuleng sét luk kudeng ineh na nekali', sagan pana' rat arang lun na manu pana', pad seburur anak nengalap awan tamanneh.
2 Ngudehké muyuh medita' niat? Petulu muyuh mesusa' niat, pad lemulun luk nenganau' kekamen ineh talan rat arang muyuh.
3 Sagan pana' bururku mado rat nemuyuh, iamo' rohku muneng, mepad kudeng ui sebuleng idi dengan muyuh, idi bang ngadan Tuhan tau Yésus, ui pangeh nenganau' temina' ukum kuan lemulun luk nenganau' kekamen luk dat ineh.
4 Kareb tau mepamung bang roh, ieh ineh muyuh pad-pad denganku dengan lalud Yésus Tuhan tau,
5 do' muyuh maré lemulun ineh kuan Sétan pad ngaté pinian bururneh, pad rohneh miak uen ngulun kareb Aco Tuhan Yésus ineh.
6 Na petulu muyuh ineh medita' niat. Naké muyuh kali' idi lamud luk sesuut ineh ngelamud amung-amung tebalu' banak ineh?
7 Nala' lamud luk mon ineh pad muyuh mangun ku setebalu' luk mabaruh, ngaceku muyuh kali' rungen na mepuar ku lamud. Ngaceku Anak Dumba Paska tau, ieh ineh Keristus, pangeh kirat.
8 Ngaceku ineh do' tau ngerayeh irau ineh, baken dengan lamud luk mon, idi baken dengan lamud sala' idi dat, iamo' dengan ruti luk na linamud, ieh ineh dengan niat luk mesiri idi luk matu.
9 Bang surat luk inayudku kuan muyuh ui nemutuh nemuyuh aleg perurum dengan lun luk pasét.
10 Ilungneh, baken na tu-tu perurum dengan lun luk pasét, lun luk melili idi luk muyok, idi luk sembayang inan akang. Kudeng pieh kudeng ineh na miak na muyuh remuat rat bang tana' ini.
11 Ilung balaku, ieh ineh, aleg perurum dengan lun luk titen kinanak kudeng ieh pasét, melili, sembayang inan akang, ngedat, mabuk, kian mano lek. Aleg pamung kuman pana' dengan lemulun luk kudeng ineh.
12 Kudeng apehké ui miak ngukum lemulun luk baken lun sidang? Allah miak ngukum nedeh. Iamo' bakenké muyuh luk petulu ngukum lemulun luk bang sidang muyuh sebuleng? Maya' kudeng luk inayud, "Do' matad lemulun luk dat ineh rat arang muyuh."
13 (5:12)
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA