Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Sindruhunia no utema wamoturia, wa so ba gotaluami zolau horõ sabõlõbõlõ: So ba gotaluami zangohorõni fo'omo namania tanõ bõ'õ. Lõ lalau na'i zi manõ niha si lõ fa'aboto ba dõdõ Lowalangi!
2 Hew̃a'ae si manõ, ba fayaw̃a nasa ami. Si lõ tola lõ sabu tõdõ ami mena'õ ba miheta ba gotaluami niha samalua si manõ.
3 Na dali mboto, arõu ndra'o ba khõmi, ba hiza ba dõdõgu no so ndra'o ba gotaluami. Bõrõ da'õ, omasido ufalua hadia ia, hulõ na ba gotaluami so ndra'o, "Ba dõi Zo'aya Yesu Keriso uw̃a'õ khõmi wa niha solau amuata si ra'iõ si manõ, lõ tola lõ lahuku!" Na owulo ami ba miw̃a'õ tõdõmi wa so ndra'odo tõdõgu ba gotaluami, ba fao fa'abõlõ Zo'aya ya'ita Yesu,
4 (5:3)
5 mibe'e niha andrõ khõ Gafõkha ena'õ ifakiko mboto niha andrõ, irege te'orofi gehehania na inõtõ mangawuli Zo'aya.
6 Tenga sinangea fayaw̃a ami! Te no mi'ila gamaedola andre, "Laru si ma'ifu ibe'e kamba fefu danõmõ roti!"
7 Tibo'õ ua laru si no ara andrõ, ya'ia laru horõ, ena'õ tobali tanõmõ roti si bohou ami, si lõ ta'unõ bõrõ laru horõ si no ara andrõ, ba oroma gõi khõgu wa si manõ da'õ ami. No te fa'anõ Gowasa Fasa khõda, bõrõ Keriso si tobali biribiri Wasa andrõ no mutaba.
8 Andrõ, da talau gowasa andrõ faoma roti si lõ laru, ya'ia roti sangoroma'õ fa'aduhu ba fefu zomasi dõdõ Lowalangi. Bõi ta'owasaini Wasa andrõ faoma roti si so laru si no ara, ya'ia laru horõ ba fa'alõsõkhi.
9 Bakha ba zuragu ba zi lalõ, no u'ombakha'õ khõmi ena'õ bõi fariawõ ami ba niha sohorõ.
10 Sedõna uw̃a'õ, tenga niha sohorõ ma solu'alu'a, ma zui si falimo, ma samosumange adu, si lõ manõ aboto ba dõdõ Lowalangi. Tenga! Tenga ya'ira niw̃a'õgu; bõrõ na mi'arou'õ ami khõ ndra niha solau da'õ, tatu moguna miheta ami moroi ba gulidanõ andre.
11 Niw̃a'õgu ya'ia da'õ, bõi fariawõ ami ba niha sanguma'õ Niha Keriso ia, ba hiza no sohorõhorõ ia, ma solu'alu'a, ma samosumange adu ma sangobousi awõnia, ma si mabumabu, ba ma zui sanagõnagõ. Bõi mifao wedadao manga awõ niha andrõ!
12 Lõ kuasogu wangetu'õ huku ba zi tenga Niha Keriso. Lowalangi samõsa zangetu'õ huku khõra. Ba sanandrõsa ba ndrotondroto mbanua Niha Keriso khõmi, hadia tenga ya'ami zinangea mangetu'õ huku ba khõra andrõ? No tesura bakha ba Mbuku Ni'amoni'õ, "Mifofanõ moroi ba gotaluami niha si lõ sõkhi andrõ."
13 (5:12)
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA