Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bani tahun parmatei ni Raja Usia, huidah do Tuhan hundul i atas hotak na gijang anjaha na marmulia; anjaha rambu ni pakeian-Ni do manggoki rumah panumbahan.
2 Serapim do jongjong i babou-Ni, na marhabong onom bei; dua marrungkub bohini, dua marrungkub naheini anjaha dua mangkabangkonsi.
3 Marsitauran ma sidea, nini, “Na Pansing, Na Pansing, Na Pansing do Jahowa Zebaot, gok do sab tanoh on bani hamuliaon-Ni.”
4 Jadi dugur ma onjolan ni pasihon halani sora ni na dilo-dilo ai, anjaha gok timus ma rumah ai.
5 Dob ai ningku ma, “Bursik ma ahu! Magou ma ahu, halani jolma parbibir na mabutak do ahu, anjaha marianan do ahu i tongah-tongah ni halak parbibir na mabutak; ai domma ididah matangku Raja in, Jahowa Zebaot.
6 Sada humbani Serapim ai habang ma dompak ahu, mamboan narnar ibagas tanganni, ai ma na binuatni marhitei gansip-gansip humbani anjapanjap.
7 Ijamah ma marhitei ai bibirhu, anjaha nini, ʻTonggor ma, on do na manjamah bibirmu, sae ma salahmu, sasap ma dousamu.ʼ
8 Dob ai hubogei ma sora ni Tuhan, na mangkatahon, “Ise do sisuruhon-Ku: Ise do utusannami? Jadi ningku ma, ʻIjon do ahu, suruh Ham ma ahu!ʼ
9 Jadi ihatahon ma, ʻLaho ma ho, hatahon ma bani bangsa on: Tangar, tangar hanima ma, tapi ulang artihon; idah, idah hanima ma, tapi ulang arusi hanima!
10 Patendel ma uhur ni bangsa on, panengel pinggolni, anjaha papitung matani, ase ulang marpangidah ia marhitei matani, anjaha ulang marpanangar marhitei pinggolni; ase ulang mangarti uhurni, anjaha ulang ipaubah uhurni gabe malum ia.ʼ
11 Jadi ningku ma, ʻPiga dokah on, Tuhan?ʼ Balos-Ni, ʻRonsi halong huta-huta, seng dong na mangiankon; rumah-rumah lang marisi jolma, anjaha ladang salih gabe halimisan;
12 ipadaoh Jahowa jolma, anjaha lungun tumang tanoh in.ʼ
13 Anjaha anggo adong ope na tading ijai saparsapuluh, ai pe boiskononkon do, usih songon hayu jajabi atap hayu baringin, na jongjong ope martutuho, sanggah hona roboh. Bonih na ma pansing do tutuhoni ai.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA