Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ri taung kamateanna Karaeng Uzia, kuciniki Batara. Ammempoi rate ri empoang kala’biranNa, irate tampa’ tinggia siagang mala’birika. JubaNa natongkoki sikontu Balla’Na Batara ri Yerusalem.

² Ri tammuliliNa nia’ malaeka’ ammenteng kamma pepe’ a’rinraya, massing ta’annang ka’nyi’na. Rua ka’nyi’na antongkoki rupanna, rua antongkoki kalenna, na rua ka’nyi’na maraenga untu’ anri’ba’.

³ Akkioki ke’nanga battu ri se’rea mae ri maraengannaya angkana: "Matangkasa’, matangkasa’, matangkasa’. Matangkasaki Batara Kaminang Koasaya. Rassi linoa ri kahaderang mala’biri’Na."

⁴ Annekereki dapara’na ballaka napakamma sa’ranna ke’nanga, siagang rassimi umbu anjo Balla’Na Batara ri Yerusalem.

⁵ Nampa kukanamo, "Bala! Tenamo panrannuangku inakke, lanri ra’masa’na bawaku napakamma dosa, na kuammantang ri tangngana bansa kammaya todong cilakana. Mingka manna nakamma, mata kalengku anciniki Karaenga, iamintu Batara Kaminang Makoasaya!"

⁶ Nampa kalase’renna anjo apa anri’baka battu mae ri nakke angngerang bara pepe’ naallea battu ri tampa’ pakkoro’bangnganga, naalle siagang sipi’.

⁷ Naseroi muncengku siagang anjo bara pepeka na nakana, "Anne baraya le’ba’mi nasero muncennu. Kamma-kamma anne le’ba’mi nilu’lu’ kasalannu siagang Napammopporang Batara dosanu."

⁸ Nampa nia’ kulangngere’ sa’ranNa Batara angkana, "Inai laKusuro? Inai lampabattui kabaratta?" Appialima’ angkana, "Anne niakka’. Kisuroma’!"

⁹ Nampa Nasuroma’ a’lampa angngerangi anne pasanga mae ri ummaka angkana: "Nupatulusuki allangngereka, mingka tena nanupahangi. Lanupatulusuki amparhatikangi, mingka tanuassengai apa kajarianga."

¹⁰ Nampa Nakanamo mae ri nakke, "Pa’jari dongoki pikkiranna sikamma anjo taua, pa’jari tongoloki tolinna siagang pa’jari butai matanna sollanna takkullea accini’, takkullea allangngere’ siagang takkullea ammahang, nampa ammotere’ mae ri Nakke sollanna Kupa’jari baji’ ammotere’."

¹¹ Akkuta’namma’ angkana, "Siapa sallona lakajariang anne kammaya, Batara?" Appialimi angkana, "Sa’genna a’jari rumbangngang anjo kota-kotaya natena taunna, tenamo nipammantangngi sikamma ballaka, siagang la’jari sino sikalimi na roso’ buttaya.

¹² LaKubongkai rupataua a’lampa bella, sa’genna a’birimmo kosong pa’rasanganga.

¹³ Ba’lalo lalanna sampuloa tau na nia’ ija sitau ammantang ri anjo pa’rasanganga, anjo sitaua lanipanraki todong. Mingka rapang poko’ kayu karama’ punna nita’bangi nia’ ija ammantang tonasa’na, kamma tomminjo lania’ ija tassesa anjo bansaya, la’jaria pappokokanna umma’ matangkasaka."

Yesaya

Video Yesaya 6

Ikuti Kami:

KONTAK | PARTISIPASI | DONASI