Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bois do halak parpintor, hape seng dong halak na mamparuhurhon ai; ibuati halak na daulat, hape seng dong halak na marimbagaskon ai, tongon, hona alop hamagouan,
2 laho do ia ibagas damei, marsaran do i podoman ni sidea na bujur marparlahou.
3 Tapi hanima, padohor ma hujon, ale anak ni naboru partondung, ale ginompar ni parbangkis pakon boru jalang!
4 Ai ise do na pinahirinima? Dompak ise do na pinangangangnima in babahnima anjaha ipahurei-hurei hanima dilahnima? Ai lang hanima do anak ni halak sipanlanggar, ginompar ni halak sipangoto-otoi,
5 na pasombuh hisap-hisapni i lambung ni hayu banggal, i toruh ni hayu na maratah, na manayat anakni i lombang-lombang, i tongah-tongah ni rigat ni dolog batu?
6 Bani batu lemes na i binanga do rupeinima, ai do parbagianannima; hujai do iuseihon hanima galangan siinumon, anjaha ibere hanima galangan sipanganon. Mintor tarharosuhkon Ahu ma ai?
7 Bani dolog na gijang ampa na atas do ibahen ho podomanmu, anjaha hujai do ho tangkog manggalangkon galangan sisayaton.
8 I pudi ni labah ampa tiangni do inahkon ho tanda sidingaton bam; ai tundal hun Bangku, ibuka ho podomanmu, naik ho hujai, anjaha ipalumbang ho ai; manriah do ho rap modom pakon sidea, ronsi na marbangkis.
9 Laho do ho marayak Molok mamboan minak, anjaha ipabuei ho do minak na morum; isuruh ho do suruhanmu hu na daoh, isuruh ho do ronsi hu nagori toruh.
10 Loja do ho halani daoh ni pardalananmu, tapi seng ihatahon ho, “Sae ma in,” jumpahan gogoh do tong ho, ai seng ngayotan ho.”
11 Bani ise do ho gobir atap mabiar, ase marladungi ho, seng mardingat ho be Bangku, anjaha seng marparuhuran ho? Ai lang halani na sip ai do Ahu anjaha Huponopkon diring-Ku, ase seng mabiar ho Bangku?
12 Ahu, sihol pabotohkon hapintoronmu ampa pambahenanmu, tapi seng dong gunani bam.
13 Anggo dilo-dilo ho, mahua gana-gana na pinahumpulmin ma namin pangurupi bam! Hape logou do manluahon sidea anjaha hosah do na mangombuskonsi. Tapi barang ise na martenger ni uhur Bangku, ia do manean tanoh on, anjaha ia do simada dolog hapansingon-Ku.
14 Anjaha ihatahon ma, “Pabolag, pabolag, padosdos ma dalan in! Padaoh hanima ma partolsuan humbani dalan ni bangsang-Ku!”
15 Ai sonon do hata ni Na Tang Timbul pakon Na Tang Marmulia in, na marhotak sadokah ni dokahni anjaha pargoran Na Ma Pansing, “I nagori atas pakon bani na ma pansing do Ahu marianan, tapi homa i lambung ni halak partonduy na marosak ampa partoruh ni uhur, ase Hupagoluh tonduy ni halak si toruh maruhur ampa halak partonduy na marosak.
16 Ai seng ronsi sadokah ni dokahni Ahu manggila, anjaha seng tongtong Ahu marah, ase ulang mandatei tonduy ni sidea i lobei-Hu ampa hosah na Hujadihon ai.
17 Halani hajahaton ni sidea do Ahu manggila, Hubogbog sidea, Huponopkon diring-Ku anjaha marringis Ahu, tapi marbalik do sidea mangirikkon rosuh ni sidea sandiri;
18 tapi sai pamalumon-Ku do sidea, togu-toguon-Ku anjaha apohon-Ku; anjaha bani na marpusok ni uhur Ahu mambere buah ni bibir.
19 Damei, damei bani na daoh pakon na dohor, nini Jahowa, anjaha Ahu do na pamalum sidea.
20 Tapi halak parjahat songon laut na gunsang do; seng tarbahensi soh, ipansampakkon gilumbangni do hubang pakon tompoh-tompoh.
21 Seng dong damei, nini Naibatangku, bani halak parjahat.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA