Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Oreng becce’ ban alem mate, tadha’ se ngarte otaba mekkere reng-oreng jareya. Tape saellana mate, reng-oreng jareya lopot dhari balai ban aistirahat kalaban taremtem.
2 (57:1)
3 Tape ba’na, reng-oreng dusa, mara dha’ enna’, eadilana! Ba’na ta’ abecce’an dhari tokang seher, dhari reng-oreng se azina ban sondel!
4 Sapa se ekala’-gella’ ba’na? Sapa se eco-koco ba’na? Ba’na reya gu ta’ toronanna reng-oreng se lecegan ban se dujan aberonta’?
5 Ba’na nyemba ba-diba kalandhuwan ban kamerdiyan kalaban cara norodi napso e antarana lalake’ ban babine’ neng e baba’anna ju-kajuwan se bi’ ba’na eanggep karamat. Ba’na abendhem na’-ana’na e corana songay, e ke’-lekke’na bato.
6 Daddi pantes ba’na makompol to-bato se ngennyer dhari jadhiya. Jareya bagiyanna ba’na! Ba’na nyemba ka to-bato jareya; ba’na nyerammagi anggur ban ngeba gandum menangka tor-ator ka jadhiya. Apa bi’ ba’na Sengko’ esanggu senneng nangale’e jareya kabbi?
7 Ba’na entar ka co’-konco’na gunong ngeba kurban ban tedhunga apolong lalake’ ban babine’ kaangguy norodi napso baraina.
8 Ba’na masang ca-arca se ta’ sanono e adha’na labangnga bengkona. Ba’na la adina’agi Sengko’. Ba’na mokka’ kalambina pas ongga ka katedhunganna se lebar abareng ban bur-leburanna se bi’ ba’na eopae kaangguy eajak apolong tedhung bi’ ba’na. Ban e jadhiya ba’na ngombar napso baraina ba’na.
9 Ba’na ngangguy mennya’ ro’om ban om-ro’oman laenna pas entar nyemba diba Molokh. Ba’na ngotos reng-oreng ka ra-nagara se u-jau, la’-mala’ ka dunnyana oreng mate.
10 Ba’na tadha’ lessona terros nyare ba-diba. Ca’na pekkerra ba’na ba-diba jareya bisa aberri’ samangat se anyar ka ba’na, sampe’ ba’na ta’ kaelangan kakowadan.
11 PANGERAN adhabu, "Sapa ba-diba jareya me’ sampe’ ba’na tako’, sampe’ ba’na acaca lecek ban ta’ enga’ ka Sengko’? Apa ba’na ta’ nyemba Sengko’ pole polana Sengko’ ce’ abidda neng-enneng bai?
12 Tape Sengko’ mala’ana ba’na, kaalemanna ba’na jareya gabayan, ban sakabbinna lalakonna ba’na tadha’ gunana ka ba’na.
13 Mon ba’na aera’ menta tolong, dina me’ olle ca-arca jareya se masalamet ba’na! Ca-arca jareya bakal elanga eabber angen ban mosna pera’ ekenneng nyaba sasebbulan! Tape oreng se nyare partolongan ka Sengko’ bakal narema’a nagara reya menangka sangkolanna ban nyemba’a ka Sengko’ e Tang Padalemman."
14 PANGERAN adhabu, "Gabayyagi lorong, sadhiya’agi ka Tang ommat, panyengla sakabbinna se lang-ngalange."
15 Sabab kantha reya dhabuna Allah Se Mahatenggi ban socce, se kobasa salanjangnga, "Sengko’ badha neng e kennengngan se tenggi ban se socce, tape Sengko’ badha keya e antarana reng-oreng se andhap asor, ban se atobat dhari sa-dusana, sopaja Sengko’ bisa’a mabali samangat ban pangarebbanna reng-oreng jareya.
16 Sengko’ ta’ terrosa nyala’agiya Tang ommat Sengko’ ta’ peggel salanjangnga, sopaja Tang ommat ta’ sampe’a kaelangan samangat, mangkana Sengko’ se maodhi’ reng-oreng jareya.
17 Se mapeggel Sengko’ dusa ban katama’anna reng-oreng jareya, daddi bi’ Sengko’ reng-oreng jareya eokom ban edina’agi. Tape reng-oreng jareya teptep cengkal ban teptep mele jalanna bi’-dibi’.
18 Sengko’ la nangale’e tengkana reng-oreng jareya, tape reng-oreng jareya bi’ Sengko’ epabarasa keya. Sengko’ nontona ban nolonga reng-oreng jareya, ban alepora se sossa atena.
19 Sakabbinna oreng bi’ Sengko’ eberri’ana kataremtemman, ta’ parduli oreng jareya jau otaba semma’. Sengko’ mabarasa Tang ommat.
20 Tape oreng se jahat akantha tase’ se omba’na raja ban ta’ tao badha cedduna, omba’na se agili ngeba rombu ban cellot.
21 Tadha’ kataremtemman monggu ka oreng dusa," dhabuna PANGERAN.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA