Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Nehen me, iradasken TUHAN me doni enda, janah IbahanNa jadi melungen. Tempas taneh jadi mejin IbahanNa janah kalak si ngiani doni IkerapkenNa kerina.
2 Kerina kalak ngenanami nasip si seri: imam-imam ras jelma si nterem, budak-budak ras tuan-tuan si nukur ras si ndayaken, si pepinjamken ras si minjam, kalak bayak ras kalak musil.
3 Doni ipelume janah melinang kerina. TUHAN kap si ngatakenca, emaka la banci lang jadi bage.
4 Doni kerah janah melus; kerina doni kote; subuk doni bage pe langit penakiten kerina.
5 Manusia nggo ngeliami doni erkiteken ilawanna undang-undang Dibata janah ilanggarna perpadanen si arusna tahan rasa lalap.
6 Erkiteken si e isumpahi Dibata doni enda, janah manusia si ngianisa iukum sue ras perbahanenna. IcilukNa manusia, janah piga-piga nari ngenca tading.
7 Batang anggur jadi melus, janah anggur pe nggo mesera muatsa. Kasa kai kalak si gelgel e meriah akapna, genduari erndele ate.
8 Sora kulcapi ras gendang si gelgel e meriah, genduari nggo ngadi.
9 Lanai lit kalak si rende-rende janahna minem-minem lau anggur; kalak si nginem lau anggur pagit akapna.
10 Kota guntar; kalak si i bas rumah ngeruki bana sabap mbiar kerina.
11 I bas pasar-pasar jelma si nterem serko-serko erkiteken lau anggur nggo keri. Kesenangen nggo masap seh rasa lalap; keriahen nggo iambekken i bas doni nari.
12 Kota nggo radas, janah pintu gerbangna nggo runtuh.
13 Bagenda me si nandangi jadi i bas kerina bangsa i belang-belang doni enda. Kejadin e desken pendungi paksa rani; buah saitun nggo keri naktak erkiteken iugur, janah buah anggur si pengkeri-kerinna nggo iputikken i bas batangna nari.
14 Kalak si terkelin rende meriah, kalak si ringan i Barat nuriken uga belinna TUHAN,
15 janah kalak si ringan i Timur muji Ia. Kalak si ringan i gedang-gedang tepi lawit ipujina TUHAN, Dibata nu Israel.
16 I bas kerina tampuk doni nari terbegi pagi ende-enden pujin man Israel, bangsa si bujur e. Tapi lanai lit pengarapen man bangku! Bene me aku! Kalak penipu tetap nipu, janah tetap reh kelekna ia nipu.
17 Begikenlah o kalak si ngiani doni kebiaren, lubang si mbages, ras siding sangana nimai kam.
18 Ise si lompat nilahken kebiaren, ndabuh ku bas lubang si mbages, janah ise ndarat i bas lubang si mbages e nari kena siding me. Udan meder ndabuh i langit nari, emaka palas doni mugur-ugur.
19 Doni jadi regat, beka janah getem.
20 Doni mbewat-mbewat desken kalak mabuk janah mundu-undu desken sapo-sapo iembus angin kaba-kaba. Doni jongkang itindih dosana si mberat; ampar janah ndigan pe lanai keke.
21 Reh me paksana maka iukum TUHAN kerina kuasa-kuasa si lit i das langit bage pe pemerentah-pemerentah si i doni.
22 Ipepulung Dibata me raja-raja i bas sada lubang desken kalak tabanen. ItutupNa i bas penjara seh paksana ia iukum.
23 Bulan jadi gelap, janah matawari pe lanai ersinalsal, sabap TUHAN si Mada kuasa me jadi raja. Ia raja i Jerusalem i das Deleng Sion, janah peminpin-peminpin bangsa e ngidah kemulian TUHAN.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA