Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Tupung taneh negeri e ibagi-bagiken man suku-suku jadi pusakana, lebe arus iserapken sada bagin man TUHAN, Taneh e gedangna sepulu dua setengah kilometer, belangna sepuluh kilometer. Taneh si e badia kerina.
2 I je me ibahan taneh pertapaken Rumah Pertoton; gedangna ras belangna 250 meter. Pertapaken e arus ikeleweti taneh kosong, belangna 25 meter;
3 setengah i bas taneh ndai si belangna lima ras sepulu dua setengah kilometer arus isikapken man ingan Rumah Pertoton, janah eme ingan si badiana kal.
4 Si eme bagin si badia i bas negeri e si iserapken man imam-imam si erdahin guna TUHAN i bas Rumah PertotonNa. I je me ipajekken rumah imam-imam e ras pertapaken guna Rumah Pertoton.
5 Setengahna nari ka iserapken jadi sikerajangen kalak Lewi, si ndahiken dahin-dahin kelatihen i bas Rumah Pertoton. I je me ibahan kuta kalak Lewi e.
6 Deherken taneh si badia ndai, arus ka isikapken sada taneh si deban gedangna sepulu dua setengah kilometer, belangna dua setengah kilometer, jadi sada kota. I bas kota e banci ringan ise pe i bas bangsa Israel.
7 Man raja si sangana erkuasa pe arus isikapken taneh. Taneh e mulai i bas baleng si arah kenjahe taneh si badia terus ku Lawit Tengah i bas baleng si arah kenjulu nari terus ku perbalengen negeri si arah kenjulu, seh maka taneh si man raja e bali gedangna ras taneh si ibagiken man sada suku Israel.
8 Si eme jadi sikerajangen raja si sangana erkuasa i negeri Israel, gelah ulanai itindasna rayat, tapi iberekenna bagin-bagin si deban i bas negeri e man suku-suku Israel.
9 Nina TUHAN si Erdolat, "Nggo bias, o penguasa-penguasa Israel. Ulanai isega-sega ras itindasndu bangsangKu. Dalankenlah kai si mehuli ras bujur. Ndigan pe ulanai ipelawesndu bangsangKu i bas tanehna nari. Aku, TUHAN si Erdolat, Aku kap merentahken si enda man bandu.
10 Pakelah timbangen ras sukat-sukat si bujur;
11 Sada epa sukat-sukat gandum arus bali isina ras sada bat sukat-sukat minak saitun. Patoken sukat-sukatna eme homer (alu bage sukat-sukat ndai bagenda jadina: 1 homer = 10 epa = 10 bat)
12 Timbangenndu arus bagenda: 1 sikal = 20 gera 1 mina = 60 sikal
13 Enda me patokan si ipake i bas erbahan persembahen: gandum = 1/60 i bas ulih peraninndu nari dawa = 1/60 i bas ulih peraninndu nari minak saitun = 1/100 i bas buah saitunndu nari (Sukatilah e alu bat = 10 bat = 1 homer = 1 kor.) biri-biri: 1 i bas 200 biri-biri nari. Kam arus mpersembahken buah gandum, asuh-asuhen man persembahen tutungen ras persembahen persadan, gelah dosa-dosandu ialemi. Aku, TUHAN si Erdolat, Aku kap si merentahken si enda.
14 (Yeh 45:13)
15 (Yeh 45:13)
16 Kerina rayat negeri e arus ngembahken persembahen e man raja si sangana erkuasa i Israel.
17 Tugasna me nikapken asuh-asuhen man persembahen tutungen, persembahen buah gandum, ras persembahen lau anggur man kerina negeri Israel tupung wari Raya Bulan si mbaru, wari-wari Sabat, ras wari-wari raya si deban. Persembahen pengalemi dosa, persembahen buah gandum, persembahen tutungen, persembahen persadan e arus isikapken raja lako nangtangi dosa Israel."
18 Nina TUHAN si Erdolat, "I bas wari si pemena, bulan si pemena arus ipersembahkenndu sada jenggi lembu si la lit sitik pe man pandangen lako pebadiaken Rumah Pertoton e.
19 Dareh persembahen pengalemi dosa arus ibuat imam sitik, jenari itamakenlah ku binangun pintun Rumah Pertoton, i bas empatna suki batar-batar, ras i bas binangun-binangun gerbang ku kesain si arah bas.
20 I bas wari si pepituken pe arus ka bage perbandu, guna kerina kalak si erdosa alu la sengaja, tah pe erdandanken kebodohenna. Alu bage tetap badia Rumah Pertoton e ibahanndu.
21 I bas wari sepulu empat, bulan si pemena, benakenlah ngerayaken Wari Raya Paskah. Pitu wari dekahna kerina arus man roti si la itama ragi.
22 I bas wari si pemena tupung perayan e, raja si sangana erkuasa arus mpersembahken sada jenggi lembu jadi persembahen kerna dosa-dosana ras dosa kerina rayatna.
23 Kidekah perayan si pitu wari e, tep-tep wari arus ipersembahkenna man TUHAN pitu jenggi lembu ras pitu bajar biri-biri si nguda denga si la lit sitik pe cacatna, janah kerina arus itutung. Tep-tep wari arus ka pe ipersembahkenna sada bajar kambing jadi persembahen pengalemi dosa.
24 Tambah si e, arus ka pe ipersembahkenna gandum 17,5 liter, guna tep-tep jenggi lembu, bage pe man tep-tep bajar biri-biri si nguda denga, rikut ras telu liter minak saitun.
25 Guna Wari Raya Sapo-sapo, si ibenaken i bas wari sepulu lima, bulan si pepituken, dekahna pitu wari, arus ka pe ipersembahken raja persembahen si seri buena, eme persembahen pengalemi dosa, persembahen tutungen, ras persembahen buah gandum ras minak saitun."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA