Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Aefa da'õ ba u'ila zui gangilata. U'ila sambua mbawa ndruhõ si no teboka ba zorugo. Fanete da'õ terongo nasa li si no irai fahuhuo khõgu ba mbõrõta si mane li dorofe. Imane li andrõ, "Aine, ae yaw̃a ba da'e. U'ombakha'õ khõu hadia zedõna alua dania."
2 I'anema'õ Ifatõrõ ndra'o Eheha Lowalangi. Aefa da'õ u'ila ba zorugo so sambua dadaoma, ba so samõsa zi dadao ba da'õ.
3 Humaga zikhala niha andrõ si mane feremata yasibi ba feremata aki. No ifasui dadaoma andrõ dumi sola'ala'a si mane zamurudi.
4 Ba no te'oli fasui dadaoma andrõ dua wulu a õfa dadaoma bõ'õ. Ba da'õ dumadao dua wulu a õfa zatua sondrõnia'õ sonukha safusi, samake takula ana'a.
5 Moroi ba dadaoma andrõ alua haga takile ba alua li fe'ugu'ugu mbanua sabõlõbõlõ. Fõna dadaoma andrõ so fitu zulu si holahola; da'õ Geheha Lowalangi andrõ si fitu.
6 Tesõndra gõi fõna dadaoma andrõ zi hulõ nasi sõrõmi, ohahau si mane baluri. Ba zi fasui dadaoma andrõ, ero ngai fasui, so õfa nga'eu zaliw̃aliw̃a ba danõ, no oi afõnu hõrõ, he moroi fõna ba si manõ gõi moroi furi.
7 Saliw̃aliw̃a ba danõ si fõfõna ba si mane singo. Numero dua hulõ zaw̃i si matua. Numero tõlu, sikhalania hulõ zikhala niha. Numero õfa, hulõ moyo si hombo.
8 Dozi saliw̃aliw̃a ba danõ si õfa nga'eu andrõ, ba a'oi so õnõ gafi, ba zi fasui tanõ bakha oi afõnu hõrõ. Bongi ma'õkhõ lõ labatobato wanunõ saliw̃aliw̃a ba danõ andrõ, "Ni'amoni'õ, ni'amoni'õ, ni'amoni'õ Zo'aya, Lowalangi Sabõlõ; si so, ba si no so, ba si so dania."
9 Fefu zaliw̃aliw̃a ba danõ andrõ si õfa nga'eu la'anunõisi zinunõ fanuno, sumange ba fangandrõ saohagõlõ khõ-Nia si dadao ba dadaoma andrõ, sauri si lõ mamalõmalõ. Ba ba ginõtõ wanunõ zaliw̃aliw̃a ba danõ andrõ,
10 salaw̃a sondrõnia'õ si dua wulu a õfa andrõ mangalulu ira fõna zi dadao ba dadaoma andrõ, khõ zauri irugi zi lõ aetu. Aefa da'õ ba latou'õ tou dakulara fõna dadaoma andrõ ba lamane,
11 "He So'aya, he Lowalangima! Ha Ya'ugõ manõ zinangea manema fanuno, sumange ba fa'abõlõ. Me Ya'ugõ zombõi fefu hadia ia, ba bõrõ zomasi dõdõ-U gõi wa tola alua, ba auri fefu hadia ia."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA