Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 "Ba mala'ika mbanua ba Zade, õmane wanura: Da'e niw̃a'õ zokhõ eheha si fitu moroi khõ Lowalangi ba dõfi si fitu andrõ. U'ila hadia ia nilaumi. Sauri ami law̃a'õ, ba hiza no si mate!
2 Bõrõ da'õ, faoso, ba mi'abe'e'õ hadia ia zi tosai nasa andrõ khõmi fatua lõ a'ozu wa'amate. Bõrõ me U'ila wa fefu nilaumi, sambalõ lõ so'ahonoa fõna Lowalangi.
3 Bõrõ zi manõ mitõrõ tõdõmi hadia zi no lafahaõ ami me fõna ba hadia zi no mirongo. Mifalua da'õ ba mifalalini gera'erami ba horõmi. Na lõ maoso ami, ba mõi-Do khõmi si mane na tohare zanagõ; ba lõ mi'ila ginõtõ hawa'ara tohare-Do.
4 Ba hiza ba gotaluami ba Zade so õsa niha sondrorogõ nukhania ena'õ lõ ta'unõ. Fao ira khõ-Gu wofanõ, nukha safusi nukhara, me sinangea ira ba da'õ.
5 Haniha zi mõna, labe'e khõra nukha safusi. Lõ Utunu dõira ba Mbuku Niha Sauri. Ufaduhu'õ fõna Nama-Gu ba fõna mala'ika ngahõnõ wa tana khõ-Gu ira.
6 Haniha zi tola mamondrongo, ba ya mube'e ba dõdõnia hadia niw̃a'õ Geheha Lowalangi ba mbanua Niha Keriso andrõ!"
7 "Ba mala'ika mbanua ba Wiladefia, õmane wanura: Da'e ni'oroi'õ Ni'amoni'õ ba si duhu andrõ. Ya'ia zololohe ono kusi ni'okhõgõ Dawido; na Ibokai, ba samõsa lõ si tola mondruhõ, ba na Iduhõ, ba samõsa lõ sangila mamokai.
8 U'ila hadia nilaumi. U'ila wa lõ ha'ugagõ wa'abõlõmi; no mi'o'õ wamahaõ-Gu ba lõ si farõi ami. No Ubokai khõmi sambua mbawa ndruhõ, si lõ i'ila iduhõ haniha ia gõi.
9 Tõrõ tõdõu da'e: Niha si no tobali tana khõ Gafõkha andrõ, si falimolimo, sanguma'õ niha Yahudi ira, ba sindruhunia tenga, Ufatenge ira we'amõi mangalulu fõnami. Ba la'ila wa U'omasi'õ ami.
10 Bõrõ me no mi'o'õ goroisa-Gu ena'õ anau gõlõmi, ba Ulumõ'õ gõi ami moroi ba mbawa wamakao sanõrõ ulidanõ ma'afefu. Alua da'õ, ba wanandraigõ fefu niha ba gulidanõ.
11 Alio so Ndra'o! Mihaogõ mirorogõ hadia ia zi no mi'okhõgõ, ena'õ bõi so zamõsa zamadõni takula wemõna andrõ.
12 Haniha zi mõna, Ubali'õ si lalõ yaw̃a ba Gosali Lowalangi-Gu, ba lõ sa'ae ahetaheta ia ba naha andrõ. Tõi Lowalangi-Gu, ba tõi mbanua Lowalangi-Gu -- Yeruzalema si bohou si mõi mitou dania i'otarai zorugo, i'otarai Lowalangi-Gu -- Usura ba niha andrõ. Si manõ gõi dõi-Gu si bohou Usura ba niha andrõ.
13 Haniha zi tola mamondrongo, ya mube'e ba dõdõnia hadia ia niw̃a'õ Geheha Lowalangi ba mbanua Niha Keriso andrõ!"
14 "Ba Mala'ika mbanua ba La'odikia, õmane wanura: Da'e ni'oroi'õ wondrege Zi Yaduhu, Samaduhu'õ si lõ farõi ba satulõ, samobõrõ fa'auri ngawalõ hadia ia nifazõkhi Lowalangi.
15 U'ila hadia ia nilaumi; U'ila wa tenga sokafu ba tenga gõi saukhu ami. Si lõ tola lõ fa sambalõtõ!
16 Ba hiza! Ya'ami no sanakhõnakhõ; tenga saukhu, ba tenga gõi sokafu. Da'õ mbõrõ wa Utura'õ ami moroi ba mbawa-Gu.
17 Muhede ami, 'Kayo ndra'aga ba oi tobõnõ; lõ hadia ia so'ambõta ndra'aga.' Ba hiza, lõ mi'ila hewisa wa no sebua akaola ba sahakhõ dõdõda ami! Si numana ami, si lõ nukha, ba sau'a.
18 Bõrõ da'õ U'amenesi ami ena'õ mi'õli moroi khõ-Gu gana'a, ya'ia da'õ sindruhu gana'a, ena'õ kayo ami. Mi'õli gõi moroi khõ-Gu nukha safusi ena'õ si so nukha ami ba tebalugõ mbotomi si lõ balubalu ba saila ita. Ba mi'õli gõi daludalu nigule'õ ba hõrõmi ena'õ tola mi'ila niha.
19 Niha somasi Ndra'o, ya'ira nitegu-Gu ba nibõzibõzi-Gu. Andrõ ya si terou tõdõ ami, ba mifalalini gera'erami ba horõmi.
20 Hiza! No so Ndra'o fõna mbawa ndruhõ ba Ubõkõbõkõ. Na so niha samondrongo li-Gu, ba samokai mbawa ndruhõ, ba mõi-Do yomo wamalukhaisi ya'ia; ba orudu manga ndra'aga.
21 Haniha zi mõna, ba Utehegõ khõnia dumadao ia awõ-Gu ba dadaoma-Gu. Bõrõ me Ya'odo samõsa gõi ba no mõna-Do, ba iada'e dumadao Ndra'o awõ Nama ba dadaoma-Nia.
22 Haniha zi tola mamondrongo, ba ya mube'e ba dõdõnia niw̃a'õ Geheha Lowalangi ba mbanua Niha Keriso andrõ!"
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA