Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Anggo ibuat sada dalahi sada naboru bahen parinangonni, hape sogam use uhurni mangidahsi, halani adong jumpahsi bani sada tikas, maningon suratkononni bani sada surat sirang anjaha bereonni ma ai bani, dob ai usironni ma ia hun rumahni;
2 anjaha anggo domma luar ia hun rumahni ai, anjaha laho gabe parinangon ni halak na legan,
3 hape magigi homa paramangon na legan ai mangidahsi, gabe isuratkon bani sada surat sirang anjaha ibere ai bani anjaha iusir ia hun rumahni, barang anggo matei dalahi na legan ai, na dob mambuatsi bahen parinangonni,
4 jadi seng bulih paramangonni na parlobei ai, na dob marsuruhsi mulak, mambuatsi use gabe parinangonni, dob na binutakan ai ia; ai hagigi do ai i lobei ni Jahowa, anjaha seng bulih mardousa bahenonmu tanoh, na dob binere ni Jahowa Naibatamu bamu bahen parbagiananmu.
5 Anggo baru mambuat boru sada dalahi, seng bulih bingkat ia hu parporangan barang dais ia bani sada horja rodi; maningon maluah ia patorsa-torsa rumahni satahun dokahni, ase marmalas ni uhur ia pakon parinangonni, na binuatni ai.
6 Seng bulih jaloon bahen gadeian batu pandudaan partoruh barang pardatas, ai hosah do jinaloni ijai bahen gadeian.
7 Anggo adong jumpah sada halak, na mamangus sahalak humbani saninani, halak Israel, anjaha iparjabolon ia barang ijual, maningon marutang hosah pamangus ai; sonai ma bahenonmu maniapkon hajahaton ai hun tongah-tongahmu.
8 Ramotkon ham ma dirimu dompak naborit gadam, pangkei-pangkei ma horjahon ham ganup na pinodahkon ni malim, halak Levi ai bamu; songon na hutonahkon ai bani sidea, maningon sonai do porluhonon nasiam mangkorjahon ai.
9 Sai ingat ham ma na binahen ni Jahowa Naibatamu hubani si Mirjam i tongah dalan, sanggah na luar ai nasiam hun Masir.
10 Anggo ipapinjamkon ham barang aha hubani hasomanmu, seng bulih masukanmu rumahni laho manjalo gadeian hun bani.
11 Maningon i darat do ham jongjong, anjaha dalahi sipanginjam ai luar ma marayak ham, mamboan gadeian ai hu darat.
12 Tapi anggo halak na musil do ia, seng bulih ham modom rap pakon gadeianni ai;
13 maningon paulakonmu hubani gadeianni ai sundutkonsi mata ni ari, ase boi modom ia marhiou anjaha ipasu-pasu ham, anjaha gabe hapintoronmu do ai i lobei ni Jahowa Naibatamu.
14 Seng bulih odaronmu halak na marombou, na masombuh ampa na musil, barang na humbani saninamu barang na humbani halak dagang, na marianan i tanohmu ibagas hutamu.
15 Maningon jalo-jalo ganup ari bereonmu upahni paima sundut mata ni ari, ai na madoyuk do ia anjaha upahni ai do niarapkon ni uhurni, ase ulang dilo-dilo ia hubani Jahowa laho mangaduhon ham, anjaha gabe dousa ai bamu.
16 Seng bulih marutang hosah bapa halani anakni, anjaha anak pe seng bulih marutang hosah halani bapani, maningon ganup halani dousani bei matei.
17 Seng bulih papeolonmu uhum hubani halak dagang barang hubani dakdanak na tading maetek, anjaha seng bulih buatonmu hiou ni puang-puang na mabalu bahen gadeian.
18 Maningon ingatonmu jabolon do ham ijia i tanoh Masir, hape domma itobus Jahowa Naibatamu ham hunjai; halani ai do ase huparentahkon ham mangkorjahon na sonai.
19 Anggo ipariamai ham sipariamaonmu i jumamu, hape lupa ham bani sada radean i jumamu, seng bulih ham mulak mangalop ai; maningon halak dagang, dakdanak na tading maetek pakon puang-puang na mabalu simada ai, ase pasu-pasuon ni Jahowa Naibatamu ham bani ganup horja ni tanganmu.
20 Anggo domma iutip ham buah ni hayu jetunmu, seng bulih ulakonmu mangulaki dangkah ni ai; bani halak dagang, dakdanak na tading maetek pakon puang-puang na mabalu ma ai.
21 Anggo domma iutip ham buah ni hayu anggurmu, seng bulih ulakanmu mambuat ai; bani halak dagang, dakdanak na tading maetek pakon puang-puang na mabalu ma ai.
22 Maningon ingatonmu, jabolon do ham ijia i tanoh Masir; halani ai do ase huhatahon ham mangkorjahon on.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA