Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Sesampun nike tiang mauq penyerioqan malik. Tiang serioq sopoq lawang kebukaq lẽq sorge. Beterus kedengahan malik suare saq penembẽq sampun bebase tipaq tiang maraq suare terompẽt. Basen suare nike, "Silaq taẽk ojok deriki. Tiang gen petitoqang side napi saq gen telaksane ẽraq."

² Langsung tiang tekuasein siq Roh Allah. Terus tiang serioq araq sopoq tahte lẽq sorge, dait araq sopoq dengan melinggih lẽq tahte nike.

³ Penjarupan Dengan nike besinar maraq permate baiduri pandan dait permate jeliman. Sopoq sabuk bidedari saq bewarne zamrud lingkerin tahte nike.

⁴ Lẽq sekelining tahte nike araq empat likur tahte saq lain. Lẽq derike melinggih empat likur pemimpin saq bekelambi putẽq, dait kadu mahkote emas.

⁵ Lẽman tahte nike sugul cahaye kisap dait suare guntur saq belẽq. Dait lẽq arepan tahte nike araq pituq obor saq nyale; nike kepituq Roh Allah.

⁶ Dait lẽq arepan tahte nike ẽndah araq sopoq saq penggitan maraq segare kace, menẽng maraq kristal. Lẽq tengaq-tengaq tahte, lẽq sebilang sedine, araq empat mahluk, saq bagian julu dait bagian mudine penoq siq mate.

⁷ Mahluk saq penembẽq penggitan maraq singe. Saq kedue, maraq anak sampi mame. Saq ketelu bedowẽ mue maraq muen manusie. Saq keempat, penggitan maraq kedit rajewali saq kenyeke kesur.

⁸ Keempat mahluk nike, sopoq-sopoq bedowẽ enem kelẽtẽk, sekeliningne dait lẽq bagian dalemne penoq siq mate. Peteng menah mahluk-mahluk nike ndẽq engkah-engkah bekuih, "Suci, suci, suci, Allah, Tuhan Saq Mahekuase; saq araq, saq sampun araq, dait saq araq selaẽqne."

⁹ Keempat mahluk nike nyanyiang lagu-lagu pujian, hormat dait syukur tipaq Ie saq melinggih lẽq tahte nike, Ie saq idup selaẽq-laẽqne. Dait sewaktu mahluk-mahluk nike benyanyi,

¹⁰ keempat likur pemimpin nike nyungkur lẽq arepan Dengan saq melinggih lẽq tahte nike, terus nyembah Ie saq idup selaẽq-laẽqne. Beterus ie pade timpoh mahkote-mahkote ie pade lẽq arepan tahte nike, dait matur,

¹¹ "Ya Allah, Ya Tuhan tiang pade! Deside doang saq patut nerimaq pujian, hormat dait kuase. Sẽngaq Deside saq cipteang selapuq-lapuqne, dait siq pekayunan Deside ẽndah selapuqne nike sampun araq dait tecipteang."

Wahyu

Video Wahyu 4

Ikuti Kami:

KONTAK | PARTISIPASI | DONASI