Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kareb ineh inan aceh luk sinierku. Ui nenier aceh tanga' luk mukab déi' surga. Idi arod luk pindengerku pun-pun luk mepad kudeng uni serupit nepebala, "Do'umak amé' tungé idi Ui sikal mada' sirenmu anun-anun luk miak mangun muci."
2 Petacu ui tigio Roh, idi inan aceh kerusi déi' surga idi inan Luk tudo luun kerusi ineh teh.
3 Idi kiungNeh merasat mepad kudeng batu luk mebirar idi bau burur; idi inan tegkang nengelibut kerusi ineh, mepad kudeng batu luk bata' uduh ayuneh.
4 Idi libut-libut kerusi ineh inan dueh ngepulu' apat kerusi, idi luun amung-amung kerusi ineh inan dueh ngepulu' apat lun rayeh luk tudo, dengan ayung luk mebuda', idi luun uluhdeh inan pata amas.
5 Idi remuat rat bang kerusi ineh kilep, arod, idi lalam; idi inan tudu' lapung luk tinutud pa atun kerusi ineh, ieh ineh tudu' roh Allah.
6 Idi pa atun kerusi ineh inan luk mepad kudeng abpa' rayeh luk mesor, mepad kudeng gelas luk pelaba do' ayuneh. Idi luun uned kerusi ineh idi libut-libut kerusi ineh teh inan apat pudut luk mulun, panu' ku mateh pa atun idi pa keted.
7 Idi pudut luk mulun luk pun-pun ineh mepad kudeng balang, idi luk kedueh ineh mepad kudeng anak sapi', idi luk keteluh ineh mepad kudeng kiung lemulun, idi luk keapat mepad kudeng kanui luk temulud.
8 Idi apat pudut luk mulun ineh, anid-aniddeh inan anem ilad, panu' ku mateh pa luun idi pa dalem, idi ideh menani dengan na ucu' tebaco kedangan, "Meligan, meligan, meligan Tuhan Allah luk Melalud, Luk pangeh idi atun, Luk idi nekini, idi Luk miak macing teh."
9 Idi anid-anid kareb, pudut luk mulun ineh ngerayeh idi ngedita' idi ngubur Neneh luk tudo luun kerusi ineh, idi luk mulun ruked-ruked.
10 Idi dueh ngepulu' apat lun rayeh ineh pana' tekeradung pa kiung Luk tudo luun kerusi ineh teh idi sembayang Neneh luk mulun ruked-ruked; idi ideh ngerareng patadeh pa atun kerusi ineh, kebaladeh,
11 "O Tuhan idi Allah kai, Iko mayu ngimet rayeh, dita', idi lalud. Ngaceku Iko nemudut luk amung-amung, idi dengan pinianMu amung-amungdeh pangeh inau' idi pangeh mulun teh."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA