Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Pujilah TUHAN! Endekenlah ende-enden si mbaru man TUHAN, pujilah Ia i tengah-tengah perpulungen BangsaNa si tutus.

² O Israel, meriahlah erkiteken Ia si nepa kam, rende ersuraklah, o kerina kalak Sion, erkiteken Rajandu.

³ Alu landek pujilah GelarNa, pujilah GelarNa, alu malu gendang dingen ngkuit kulcapi.

⁴ Ngena ate TUHAN man BangsaNa, IpehagaNa kalak si meteruk alu mereken kemenangen.

⁵ Meriahlah iakap bangsa TUHAN erkiteken KemenangenNa, dingen rende ersurak gedang-gedang nu berngi.

⁶ Pujilah Dibata alu sora megang, alu njemak pedang si ntelap,

⁷ lako naluken negeri-negeri, ras ngukum rayatna,

⁸ ngeranteken raja-rajana, ras peminpin-peminpinna alu rante besi;

⁹ guna ngukum bangsa-bangsa sue ras perentah Dibata. Enda me kap kemenangen bangsa Dibata. Pujilah TUHAN!