Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Molja’agi PANGERAN! Mara anyanye lagu se anyar kaator ka PANGERAN, molja’agi Salerana e dhalem kompolanna ommadda.

² Mara paperak, Isra’il, lantaran Se Nyepta’agi ba’na; mara pasenneng pandhudhu’ Siyon, lantaran Ratona ba’na!

³ Molja’agi asmana ngangguy ri-tariyan, molja’agi Salerana ngangguy calempong ban terbang.

⁴ PANGERAN kasokan ka ommadda; oreng se andhap asor eparenge kamennangan.

⁵ Dina ommadda Allah me’ olle anga-bunga lantaran kajaja’anna, ban anyanye kalaban senneng ate samalem benteng.

⁶ Dina reng-oreng jareya me’ olle ngagungngagi Allah kalaban sowara se ranyeng, sambi neggu’ peddhang se la egangse

⁷ kaangguy males ka sa-bangsa ban ngokom ku-suku bangsa;

⁸ kaangguy ngalenthong to-rato ban arantay para pangobasana;

⁹ kaangguy ngokom sa-bangsa kalaban dhabuna Allah. Jareya kamennanganna ommat se ekataresnae Salerana. Molja’agi PANGERAN!