Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Haleluya. Dodingkon nasiam ma bani Jahowa sada doding na bayu, puji-pujian hu Bani ibagas kuria ni halak na daulat.

² Marmalas ni uhur ma Israel mangidah na manompasi, marsurak-surak ma anak ni Sion mangidah rajani.

³ Sai ipuji sidea ma goran-Ni marhitei tortor, sai idodingkon sidea ma Ia marhasoman tambur ampa husapi.

⁴ Ai marosuh do Jahowa mangidah bangsa-Ni, anjaha irudangi halak na toruh maruhur marhitei haluahon.

⁵ Sai marolob-olob ma halak na daulat ibagas hamuliaon, sai marmalas ni uhur ma sidea i atas podomanni!

⁶ Puji-pujian bani Naibata ma ibagas pamangan ni sidea, anjaha podang sidua mata ibagas tanganni,

⁷ laho mandalankon pambalason bani sipajuh begu-begu, ampa uhum bani sagala bangsa,

⁸ laho manangkuti raja-raja ni sidea marhitei rantei, ampa na sangap-sangapni marhitei gari bosi,

⁹ ase ipasaud bani sidea uhum na dob tarsurat. Hasangapon ma on bani sagala na hinaholongan-Ni. Haleluya.