Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Endekenlah ende-enden si mbaru, o doni kerina, rendelah man TUHAN!
2 Rende min man TUHAN, pujilah Ia. Beritaken min berita si mehuli kerna keselamaten man banta.
3 Turiken min KemulianNa man bangsa-bangsa, momoken min PerbahanenNa si mejin man kerina jelma.
4 Sabap mbelin kal kap TUHAN, medolat mekelek me Ia, patut maka mbiar kalak man BaNa lebihen asangken man kerina dibata-dibata.
5 Dibata-dibata bangsa si deban, gana-gana kap, tapi TUHAN kap si nepa langit.
6 Kemulian ras kiniulin lit i SekelewetNa, kuasa ras kinijilen ndemi RumahNa.
7 O bangsa manusia, pujilah TUHAN, pujilah kemulian dingen KuasaNa.
8 Pujilah GelarNa si mulia, babalah persembahen janah reh ku RumahNa.
9 Sembahlah TUHAN alu make paken si badia, o doni kerina, dahilah Ia alu gentar.
10 Katakenlah man bangsa-bangsa, "TUHAN kap raja! Doni paguh la terugur; bangsa-bangsa IadiliNa alu bujur."
11 Meriahlah, o langit ras doni! Ergeruhguhlah, o lawit ras isina kerina!
12 Meriahlah, o juma ras isina kerina, batang-batang kayu i kerangen meriahlah persurakna!
13 Sabap reh TUHAN ngakimi doni enda, alu KesetianNa IrungguiNa bangsa-bangsa.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA