Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Oreng se ngaop ka Se Mahatenggi, ban anaong ka Se Mahakobasa,

² olle mator kantha reya ka PANGERAN, "Junandalem se abilla sareng ngaobi abdidalem, Guste Allah, abdidalem parcaja ka Junandalem."

³ Ba’na bakal epalopoda dhari babaja se ta’ etangale’e oreng, ban dhari panyaket se madhateng pate.

⁴ Ba’na bakal ekepkebbana e baba’anna kalembangnga, sopaja ba’na aman e dhalem naonganna; kaestowanna akantha tameng se ngaobi ba’na.

⁵ Ba’na ta’ osa tako’ ka babaja e bakto malem, otabana serrangan dadagan e baja seyang;

⁶ ja’ tako’ ka balai se dhateng e bakto petteng, otabana pate se dhateng e tera’na are.

⁷ Maske badha saebu se mate e erenganna ba’na, sapolo ebu mate e sabingkerra ba’na, tape ba’na ta’ kera apa-rapa.

⁸ Mon ba’na ngabas ka sakalenglengnga, ba’na tanto nangale oreng jahat narema okomanna.

⁹ Sabab ba’na la mele PANGERAN se epentae tolong kaangguy abilla ba’na, Se Mahatenggi bi’ ba’na egabay pangaoban.

¹⁰ Daddi ba’na ta’ kera ekenneng calaka’, bengkona ba’na ta’ kera ekenneng pa-apa.

¹¹ Allah tanto makon malaekadda ajaga ba’na, kaangguy ngaobi ba’na mon ba’na entar dha’ emma’a bai.

¹² Bi’ para malaekat jareya ba’na tanto ejungjung e pa’-dapa’na astana, sopaja sokona ba’na ta’ tatandhung ka bato.

¹³ Olar ban macan bi’ ba’na bakal elengka’ana, macan galak ban olar se mandi opassa bakal edidda’a ban sokona.

¹⁴ Dhabuna PANGERAN, "Oreng se taresna ka Sengko’ bi’ Sengko’ epasalamedda, se ngakone Sengko’ eberri’ana pangaoban.

¹⁵ Mon oreng jareya aserro ka Sengko’, bi’ Sengko’ esaodana; e dhalem karekongan bi’ Sengko’ ebarengngana, e dhalem babaja epalopoda, ban eberri’ana kahormadan.

¹⁶ Bi’ Sengko’ eberri’ana omor lanjang ban epasalamedda."

Mazmur

Video Mazmur 91

Ikuti Kami:

KONTAK | PARTISIPASI | DONASI