Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kaangguy pamimpinna koor. Menorot lagu Mut-Laben. Jaburra Daud. (9-2) Kalaban gu-onggu ate abdidalem asokkor ka Junandalem, GUSTE, sareng aberta’agi lalampa’annepon Junandalem se makasambu’ ate.
2 (9-3) Abdidalem anga’-bunga’a lantaran Junandalem, sareng mojiya Junandalem, Allah Se Mahakobasa.
3 (9-4) E ajunannepon Junandalem, moso abdidalem abali, buru sadaja; labu tatandhung napa’ ka ajal.
4 (9-5) Sabab Junandalem marenta menangka hakim se adil, parkara abdidalem sareng Junandalem ebillai.
5 (9-6) Junandalem ngokom sa-bangsa sareng mamate reng-oreng jahat; sadajana ta’ ekaemodi pole salanjangnga.
6 (9-7) Moso abdidalem epaobus tadha’ karena, tha-kotthana epaancor sadajana, salanjangnga tadha’ se enga’ ka nyamana.
7 (9-8) PANGERAN marenta kaangguy salanjangnga; abadhi kalenggiyanna kaangguy ahakime dunnya.
8 (9-9) Pangeran adil marenta sa-bangsa, jujur ahakime dunnya.
9 (9-10) PANGERAN reya pangaobanna oreng se tatendhes odhi’na, pangaobanna oreng e bakto sossa.
10 (9-11) Oreng se oneng ka Junandalem padha ngarep partolongannepon Junandalem, GUSTE, oreng se nyemba ka Junandalem sareng Junandalem ta’ edinggallagi.
11 (9-12) Moja’agi PANGERAN se marenta e Siyon! Careta’agi lalampa’anna ka sa-bangsa!
12 (9-13) Sabab Pangeran emot ka oreng se sangsara odhi’na ban ta’ kalep ka serrona reng-oreng jareya; reng-oreng se ngalakone kakerrasan eparenge okomanna.
13 (9-14) Oladi, Guste, abdidalem epanyangsara moso, kabellasi abdidalem, GUSTE, lopoddagi abdidalem dhari maot sareng pate,
14 (9-15) sopaja abdidalem amolja’agiya Junandalem e adha’epon pandhudhu’ Yerusalim; abdidalem asoraga epaperaga, sabab abdidalem eparenge kasalameddan.
15 (9-16) Sa-bangsa se ta’ oneng ka Junandalem, padha labu ka dhalem lobang se ekale dibi’; tajira’ e dhalem jaring gabayanna dibi’.
16 (9-17) PANGERAN la anyata’agi Salerana lantaran kapotosanna se adil; oreng jahat tabalusok lantaran tengkana dibi’.
17 (9-18) Maot reya daddi aherra oreng se jahat, ban sa-bangsa se ta’ marduli ka Allah.
18 (9-19) Ta’ salanjangnga oreng mesken ekaloppae oreng; ta’ saterrossa oreng se nyangsara ta’ andhi’ pangarebban e dhalem atena.
19 (9-20) Ngereng ngadek, GUSTE, hakime sa-bangsa ja’ diggal manossa ngandellagi aba’.
20 (9-21) Diggal manossa me’ padha tako’ sareng apangrasa, ja’ aba’epon namong manossa.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA