Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Masmur anak-anak Korah.

² Nggo IberekenNdu perkuah AteNdu man TanehNdu, o TUHAN, Israel nggo ka mulihi IbahanNdu sangap.

³ Nggo IalemiNdu dosa BangsaNdu, kerina salahna ImahapkenNdu.

⁴ Lanai nari ia ItembehiNdu, PernembehNdu si nggo-nggona InimpetiNdu.

⁵ Baba min kami mulih, o Dibata si engkelini kami, ulanai nembeh man kami.

⁶ Lalap kin AteNdu nembeh man kami? La kin banci ngadi pernembeh AteNdu?

⁷ Kami BangsaNdu pegeluh min mulihi, maka banci Kam ipuji kami.

⁸ O TUHAN, cidahken min keleng AteNdu si tetap, bereken man kami PenampatNdu, gelah terkelin.

⁹ Kubegiken ateku kata TUHAN, sabap nggo IpadankenNa perdamen, man banta bangsa si IkelengiNa, adi nggit kita nadingken dosa-dosanta.

¹⁰ Tuhu, Dibata si mulia ringan denga i negerinta, nggo ersikap ngkelini kalak si tutus.

¹¹ Keleng ate jumpa ras ketutusen, dame sidakepen ras keadilen.

¹² Kesetian manusia nangkih i doni nari, kebujuren Dibata nusur i langit nari.

¹³ Ibereken Tuhan me kesangapen sampur me asil jumanta. <85:14> - Kebujuren erdalan arah lebe TUHAN, nikapken dalan man BaNa.