Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Untu’ pamimping pakelong. Situru’ lagu: Gitit. Battu ri Asaf. (81-2) Akkelongko pammuji-muji mae ri Allata’ala, kagassinganta, akkio’ rannuko ma’reja-reja mae ri Allata’alana Yakub.

² (81-3) Appasa’rako rabana, appasa’rako kelong, ko’bi’ bajiki gambusuka siagang kacapia.

³ (81-4) Tuiki tarompeka ri allo nipakalompota, ri passua’-suarrang bulang beru siagang bulang sumara’.

⁴ (81-5) Saba’ kammai anjo paratoranga ri Israel, se’re parenta battu ri Allata’alana Yakub.

⁵ (81-6) Napa’jari se’re katantuang mae ri bansa Israel, ri wattunna maju angngewai Mesir. Allangngereka’ bicara tenaya nakuassengi, angkana,

⁶ (81-7) "Le’ba’mi Kualle erangnganga ri salanggannu, naKulappassang karanjeng pisangngang niaka ri limannu.

⁷ (81-8) Lalang kasusannu akkiokko, naKupasalamakko. Kupialiko battu ri gunturu’ tampa’ paccokkoangKu, Kuso’riko ri timbuseng je’neka ri Meriba.

⁸ (81-9) Pilangngeri pappakaingakKu, he kau ummakKu, Israel, ebara’ angkana erokko ampilangngeriA’!

⁹ (81-10) Tea’ laloko niakki alla maraeng ri alla’nu, tea’ laloko anynyombai ri rewata bansa maraeng.

¹⁰ (81-11) INakkemi Batara Allata’alanu, anrurungangko assulu’ battu ri Mesir. Wattunnu cipuru’ Kusareko kanre.

¹¹ (81-12) Mingka ummakKu taerokai mappilangngeri ri Nakke, taeroka Israel mannuruki ri Nakke.

¹² (81-13) Lanri kammana Kubalang parekangi ke’nanga terasa’ ulunna; lappassammi naturuki ero’na ke’nanga.

¹³ (81-14) Ah, ebara’ angkana eroki ummakKu mappilangngeri ri Nakke, ebara’ angkana eroki ke’nanga mannuruki ri Nakke,

¹⁴ (81-15) lalintakKa’ ampatunduki musunna ke’nanga, naKubeta sikontu balinna ke’nanga.

¹⁵ (81-16) Tau birisika ri ke’nanga laKupatunduki, lanihukkungi ke’nanga satunggu-tungguna.

¹⁶ (81-17) Mingka ummakKu laKusarei kanre gandung nipile, naKupibassori ke’nanga siagang je’ne’ bani romang."

Mazmur

Video Mazmur 81

Ikuti Kami:

KONTAK | PARTISIPASI | DONASI