Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ende sian si Asap.

² Ale Siparmahan Israel, sai manangi ma Ho! Ai Ho do siadu Josep, songon birubiru; sai pataridahon ma Ho, ale na marhabangsahon kerubim.

³ Sai sungguli ma hagogoanmu di jolo ni Epraim dohot Benjamin dohot Manasse, jala sai ro ma Ho mangurupi hami.

⁴ Ale Debata, sai pasuang ma hami, jala pasihar bohim, asa malua hami.

⁵ Ale Jahowa, Debata Zebaot, sadia leleng on marmusu tihus Ho mida tangiang ni bangsom.

⁶ Dipapanganhon Ho do tu nasida roti iluilu, jala dipainumhon Ho do tu nasida iluilu martahutahu.

⁷ Dibahen Ho do hami ripe badaan ni hombar hundulnami, jala sai dielesi angka musunami do hami.

⁸ Ale Debata Zebaot, sai pasuang ma hami, jala pasihar ma bohim asa malua hami.

⁹ Dilopokkon Ho do najolo sada hau anggur sian Misir, dibutbut Ho do angka parbegu, asa manuanhon ibana.

¹⁰ Dipalumbang Ho do tano i di jolona, jadi marurat ma ibana jala digohi tano i.

¹¹ Ditutup halinuna do angka dolok, jala doshon hau Ares ni Debata do angka rantingna.

¹² Tolhas ro di laut do manjarar angka dangkana, jala tolhas tu batang aek Euprat angka tumburna i.

¹³ Boasa ma tung lohaonmu angka handangna, asa roharoha ni angka pamolus sude mamalpali ibana?

¹⁴ Sai diugei baragas sian tombak do ibana, jala dijampal angka binatang ni harangan.

¹⁵ Ale Debata Zebaot, sai marpangulahi ma roham, tatap ma sian banua ginjang, ida jala tingkir hau anggurmon!

¹⁶ Sai ondingi ma na sinuan ni siamunmi dohot anak na niainmu.

¹⁷ Nunga pola masurbu ibana jala ditultuli; nunga pola angka mago nasida maradophon pangarupion ni bohim.

¹⁸ Sai diondingi tanganmu ma baoa ni siamunmu, anak ni jolma i na niainmu.

¹⁹ Jadi ndang olo be hami sumurut sian Ho, sai pangolu ma hami, jadi pujionnami ma goarmu. (80-20) Ale Jahowa, Debata Zebaot, sai pasuang ma hami; pasihar ma bohim, asa malua hami.

Mazmur

Video Mazmur 80

Ikuti Kami:

KONTAK | PARTISIPASI | DONASI